Albin Kurti është kryetari i subjektit politik Lëvizja Vetëvendosje, si dhe kryeministri i katërt dhe i gjashtë i Republikës së Kosovës pas shpalljes së pavarësisë. Më 23 prill 2003, Albin Kurti diplomoi në Fakultetin e Elektroteknikës në Universitetin e Prishtinës, drejtimi i Telekomunikacionit me Kompjuterikë. Albin Kurti ka qenë deputet i Lëvizjes Vetëvendosje në Kuvendin e Republikës së Kosovës për tre mandate me radhë. Ai gjithashtu ka shërbyer si Kryetar i Komisionit për Punë të Jashtme në Kuvendin e Republikës së Kosovës në vitet 2011-2014. Në tri palë zgjedhjet e njëpasnjëshme parlamentare në Kosovë, më 2017, 2019 dhe 2021, Kurti ka qenë kandidati i partisë për kryeministër. Albin Kurti ka publikuar mbi 550 artikuj, dhe është ftuar të prezantojë në universitete të ndryshme të njohura brenda dhe jashtë vendit. Ai flet rrjedhshëm gjuhën shqipe, angleze dhe serbo-kroate.

Ardian Gjini është Kryetar i Komunës së Gjakovës dhe nënkryetar i Aleancës për Ardhmërinë e Kosovës (AAK). Gjini ka shërbyer si deputet për dy mandate (2007-2014) dhe si Ministër i Mjedisit dhe Planifikimit Hapësinor. Ai ka përfunduar studimet në Marrëdhënie Ndërkombëtare dhe studime Evropiane në Universitetin e Kent në Canterbury.

Atifete Jahjaga shërbeu si presidentja e katërt dhe presidentja e parë grua e Republikës së Kosovës. Jahjaga është kandidatja e parë jopartiake e Kosovës, gruaja e parë në krye të shtetit në Ballkanin modern dhe liderja më e re grua në botë që zgjidhet në postin më të lartë. Jahjaga vazhdimisht merr pjesë në konferenca dhe iniciativa kombëtare dhe ndërkombëtare që kanë për qëllim fuqizimin e grave dhe mbështetjen e të mbijetuarve të dhunës seksuale gjatë luftës. Ajo vazhdon të jetë e angazhuar në luftën kundër ekstremizmit të dhunshëm dhe radikalizimit dhe është promovuese e paqes dhe stabilitetit për Ballkanin dhe më gjerë. Gjatë presidencës së saj, Jahjaga punoi me zell për t'i sjellë gratë në ballë të jetës politike, ekonomike dhe sociale s si një mjet për të siguruar demokraci afatgjate. Në këtë kontekst, në vitin 2012, ajo ishte nikoqire e Samitit Ndërkombëtar të Grave “Partneriteti për Ndryshim – Fuqizimi i Grave”, ku morën pjesë 200 lidere nga Kosova, Evropa e gjerë, Amerika e Veriut, Afrika dhe Lindja e Mesme. Samiti siguroi një vend për gratë nga rajoni për të kapërcyer barrierat etnike dhe për t'u bashkuar për të nisur dhe promovuar një platformë për fuqizimin e tyre si gra në të gjithë Ballkanin. Diskutimet çuan në krijimin e Parimeve të Prishtinës, të cilat afirmojnë të drejtat e grave për pjesëmarrje dhe përfaqësim politik, burime ekonomike dhe qasje në siguri dhe drejtësi, dhe bëjnë thirrje për veprime për t'i bërë këto parime realitet. Këto parime janë miratuar si rezolutë nga Kuvendi i Kosovës. Jahjaga është anëtare e Këshillit të Grave Lidere Botërore që nga viti 2012 dhe është fituese e nderimeve dhe çmimeve të shumta, duke përfshirë Doctor Honoris Causa nga Universiteti i Durham (2013), Çmimin e Lidershipit në Shërbimin Publik nga Iniciativa Globale Clinton (2014), dhe gradën e nderit Doktore e Drejtësisë nga Universiteti i Leicesterit (2015). Në mars të vitit 2018, Jahjaga themeloi Fondacionin Jahjaga – një iniciativë që fokusohet në fuqizimin e të rinjve dhe grave drejt arritjes së ndryshimeve sociale në Kosovë.

Doarsa Kica-Xhelili është deputete në Kuvendin e Kosovës nga radhët e Listës Guxo. Ajo është kryetare e Komisionit për Administratë Publike, Pushtet Lokal, Media dhe Zhvillimin Rajonal. Ajo ka punuar për një kohë në sektorin e shoqërisë civile. Në vitin 2012 ka punuar në organizatën “Diaspora për Zhvillim” si hulumtuese juridike, ndërsa në periudhën 2013-2014 ka punuar si zyrtare e programit në Programin për të Drejtat Civile në Kosovë. Nga viti 2015, deri në momentin kur iu bashkua iniciativës së Vjosa Osmanit në janar të vitit 2021, ka punuar si avokate me Shoqërinë e Avokatëve “Sejdiu & Qerkini” në Prishtinë. Ajo ka përfunduar studimet Bachelor në Fakultetin Juridik të Universitetit të Prishtinës. Më pas ka qenë bursiste në Universitetin Loyola në Çikago të SHBA-së, ku përfundoi studimet në nivelin master në vitin 2014 në drejtimin Sundimi i Ligjit dhe Zhvillim.

Edi Gusia është Kryeshefe Ekzekutive e Agjencisë për Barazi Gjinore në zyrën e Kryeministrit të Republikës së Kosovës. Që nga muaji shkurt 2017, ajo shërben si Kryeshefe Ekzekutive e Agjencisë për Barazi Gjinore të Kosovës në Zyrën e Kryeministrit dhe udhëheq punën e barazisë gjinore të Kosovës në të gjitha nivelet e shtetit dhe institucionet publike të Kosovës për përmbushjen e agjendës së barazisë gjinore në Kosovë. Në vitin 2005 është emëruar si konsulente në agjenci për mbështetje të agjencisë së sapo krijuar. Pas një viti, ajo formalisht ju bashkua agjencisë si shërbyese civile dhe në vitin 2016 ajo drejtoi divisionin e Raportimit dhe Monitorimit. Gjatë karrierës së saj me agjencinë, Znj. Gusia ka kontribuar në hartimin e programeve të zhvillimit të kapaciteteve për çështjet gjinore, propozimin e iniciativave legjislative, organizimin e konferencave rajonale dhe ndërkombëtare. Ajo ka një përvojë të madhe në hartimin e dokumenteve kryesore të politikës për avancimin e agjendës së barazisë gjinore në Kosovë, përfshirë: Ligji për mbrojtjen nga dhuna në familje, Programi i Kosovës për Barazine Gjinore 2008-2013; 2020-2024, Strategjia Kombëtare për Luftimin e Dhunës në Familje, dhe Plani Kombëtar i Veprimit për Zbatimin e Rezolutës 1325 të KB. Ajo mban diplomë në nivelin master në letërsinë krahasuese, me përqendrim në literaturën e grave. Përveç kësaj, ajo ka marrë pjesë në kurse kyçe të trajnimeve zyrtare që kanë të bëjnë me udhëheqjen dhe menaxhimin e ndryshimeve, politika publike, buxhetimi gjinor dhe statistikat gjinore. Ajo flet rrjedhshëm gjuhën shqipe, gjuhën angleze, italiane dhe serbe - kroate.

Eliza Hoxha është deputete në Kuvendin e Republikës së Kosovës nga radhët e Partisë Demokratike të Kosovës (PDK). Ajo është gjithashtu anëtare e Komisionit për Arsim, Shkencë, Teknologji, Inovacion, Kulturë, Rini dhe Sport dhe Komisionii për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione. Ajo gjithashtu është anëtare e bordit të Grupit të Grave Deputete. Ajo diplomoi në vitin 2002 në Fakultetin e Ndërtimtarisë dhe Arkitekturës në Universitetin e Prishtinës. Hoxha ka përfunduar studimet pasuniversitare në vitin 2006 në Universitetin Katolik të Leuven-it, Belgjikë, me fokus në fushën e planifikimit urban. Aktualisht ajo është duke ndjekur studimet e doktoraturës në TU në Graz të Austrisë.

Emilia Rexhepi është kryetare e Partisë së Re Demokratike dhe zëvendëskryeministre e tretë mbi cështjet e të drejtave të njeriut dhe minoriteteve. Rexhepi ka qenë deputete në Kuvendin e Kosovës në tri legjislaturat e fundit. Rexhepi ka garuar për kryetare të komunës së Prizrenit në vitin 2017 dhe ka shërbyer si minstre në Ministrinë për Zhvillim Ekonomik dhe Energji. Ka qenë zëvendës kryesuese në komunën e Prizrenit dhe zëvendës ministre në Ministrinë për Zhvillim Ekonomik dhe Energji. Znj.Rexhepi ka magjistruar në fushën e Shkencave Politike dhe Marrëdhënieve Ndërkombëtare.

Jacqueline O'Neill ka përfunduar studimet në nivelin bachelor në tregti në Universitetin e Albertës dhe studimet master në politikat publike nga Shkolla e Qeverisë në Harvard Kennedy. Gjatë gjithë karrierës së saj, O'Neill ka mbështetur krijimin e strategjive kombëtare dhe kornizave të politikave për më shumë se 30 vende, për NATO-n, dhe Organizatën për Siguri dhe Bashkëpunim në Evropë dhe Kombet e Bashkuara. Ajo ka ndihmuar në krijimin e fushës së grave, paqes dhe sigurisë dhe aplikimin e saj në qeveri, forcat e sigurisë dhe organizatat shumëpalëshe. Ajo ka këshilluar Qeverinë e Kanadasë për planet kombëtare të veprimit të parë (2011-2016) dhe të dytë (2017 për të paraqitur) për gratë, paqen dhe sigurinë. Si Presidente e Institutit për Siguri Gjithëpërfshirëse, O'Neill mbështeti drejtpërdrejt koalicionet e grave udhëheqëse në Kolumbi, Sudanin e Jugut, Sudan, Pakistan dhe më gjerë. Përmes kësaj pune, ajo avokoi për përfshirjen kuptimplotë të grave në negociatat e paqes, dialogun politik kombëtar dhe politikëbërjen. Ajo gjithashtu punoi në misionin paqeruajtës të Kombeve të Bashkuara në Sudan dhe në Universitetin Ahfad për Gratë në Khartoum. Së bashku me ish gjeneralin Roméo Dallaire, ajo ndihmoi në themelimin e Iniciativës së Ushtarëve Fëmijë të Roméo Dallaire për të eliminuar përdorimin e fëmijëve gjatë konfliktit. Para kësaj, O'Neill ishte një këshilltare për politikat e Sekretarit të Shtetit të Kanadasë për rajonin Azi-Paqësor. Së fundmi, ajo ishte një anëtare globale në Institutin e Kanadasë të Qendrës Woodrow Wilson, profesore ndihmëse në Universitetin Georgetown dhe anëtare e bordit të drejtorëve të Këshillit Ndërkombëtar Kanadez.

Ambasadori Jeffrey M. Hovenier, diplomat karriere i Shërbimit të Punëve të Jashtme, me titullin Ministër-Këshilltar, është ambasador i Shteteve të Bashkuara të Amerikës në Republikën e Kosovës. Ai ia dorëzoi kredencialet presidentes Vjosa Osmani Sadriu më 10 janar 2022 në Prishtinë. Përgjatë më shumë se 30 vite karrierë në cilësi të ndryshme, ambasadori Hovenier ka përfaqësuar prioritetet strategjike dhe përkushtimin e SHBA-së ndaj Kosovës dhe Ballkanit Perëndimor. Në vitin 1999, përderisa shërbente në misionin e SHBA-së në OSBE, ai ishte pjesëtar i delegacionit amerikan në procesin e Rambujesë. Në vitin 2001 shërbeu si kryesues i ekipit negociator të SHBA-së për takimin ministror të OSBE-së në Bukuresht dhe për Marrëveshjen për Stabilitet sipas nenit V të Marrëveshjes së Paqes të Dejtonit, si dhe përfaqësoi Shtetet e Bashkuara të Amerikës në Forumin Politik-Ushtarak të OSBE-së për Bashkëpunim mbi çështjet e sigurisë. Në vitin 2001, ai themeloi dhe udhëhoqi zyrën e ambasadës amerikane në Preshevë, Serbi Jugore. Në vitin 2002, ai udhëhoqi zyrën e SHBA-së në Podgoricë, Mal të Zi. Në vitin 2006, shërbeu si pjesëtar i ekipit të OKB-së, të prirë nga i Dërguari i Posaçëm i OKB-së, Marti Ahtisari, përgjegjës për negociatat për statusin e Kosovës. Gjatë shërbimit të tij në ambasadën amerikane në Zagreb prej vitit 1995-1998, ai ishte pjesëtar i ekipit ndërkombëtar që negocioi dhe zbatoi Marrëveshjen e Erdutit, me të cilën u arrit ri-integrimi paqësor i Sllavonisë Lindore. Më vonë gjatë karrierës së tij, ai shërbeu si Drejtor për Çështjet e Evropës Qendrore dhe Juglindore në Këshillin e Sigurisë Kombëtare, duke zhvilluar politikat e Shtëpisë së Bardhë për Ballkanin Perëndimor, përfshirë çështjet rreth normalizimit të marrëdhënieve ndërmjet Kosovës dhe Serbisë. Prej vitit 2002 deri në vitin 2004, ai shërbeu si zëvendës-drejtor i Byrosë për Çështjet evropiane dhe euro-aziatike në Departamentin e Shtetit me përgjegjësi për NATO-n dhe Çështjet e Evropës Qendrore. Së fundmi, gjatë viteve 2018-2019, ambasadori Hovenier shërbeu si i ngarkuar me punë, në ambasadën e SHBA-së në Ankarë, dhe si zëvendës-shef i misionit prej vitit 2019 deri në vitin 2021. Gjithashtu, ai ka shërbyer si ushtrues detyre i zëvendës-shefit të misionit dhe ministër-këshilltar për çështjet politike në ambasadën e SHBA-së në Gjermani dhe në misionet e SHBA-së në Greqi, Panama, Paraguai dhe Peru. Ai ka titullin master në Qeverisje nga Universiteti Georgetown dhe diplomë bachelor në degën e Marrëdhënieve Ndërkombëtare nga Universiteti Brigham Young. Flet gjermanisht, greqisht, kroatisht dhe spanjisht dhe është duke mësuar dialektin gegë të gjuhës shqipe.

Lumir Abdixhiku është deputet i Kuvendit të Kosovës dhe kryetar i Lidhjes Demokratike të Kosovës (LDK). Në zgjedhjet e vitit 2019, Abdixhiku ishte politikani i 9-të më i votuar në Kosovë. Lumir Abdixhiku ka përfunduar studimet universitare në Universitetin e Prishtinës. Ai gjithashtu mori titullin Master i Shkencave në 2006 nga Universiteti Staffordshire në Britani, në fushën e Moralit Fiskal. Në vitin 2013 ai mori Ph.D. në ekonomi nga Universiteti Staffordshire pas katër vitesh kërkimesh dhe kërkimesh në fushën e përcaktuesve të evazionit fiskal të biznesit në vendet në tranzicion. Z. Abdixhiku është edhe Drejtor Ekzekutiv i Institutit Riinvest. Ai iu bashkua Institutit në vitin 2005 dhe që atëherë është përfshirë në disa lloje të projekteve kërkimore, avokuese dhe zhvillimore në Kosovë dhe jashtë saj. Z. Abdixhiku gjithashtu mban një rubrikë të rregullt javore në gazetën ditore më të njohur të Kosovës, Koha Ditore.

Marqe Tanushi Selmanaj është nënkryetare në Komunën e Klinës nga rradhët e Alenacës për Ardhmërinë e Kosovës. Ka punuar si arsimtare e gjuhës në disa shkolla nga viti 2003 deri më 2021. Gjatë viteve 2009/2013 ka punuar si drejtoreshë shkollë, ku tregoj sukses maksimal në fushën e menaxhimit dhe orgasnizimit të punës në shkollë. Në vitin 2018 është përzgjedhur prap si menaxhere shkolle në një mandat të dyte. Ka përfunduar fakutetin për Gjuhë dhe letërsi shqipe në Universitetin e Prishtinës dhe po ashtu ka ndjekur edhe disa programe speciale për mësimdhënie, udhëheqje arsimore, cdhe trajnime tjera nga organizata ndërkombëtare në lëminë e arsimit parauniversitar përfshirë Programin Ndërkombëtar të Asistencës për Hetime Kriminale të organizuar nga Departamenti i Drejtsëisë së Qeverisë Amerikane. Marqe flet rrjedhshëm gjuhën serbo-kroate.

Ambasadorja Verveer është Drejtore Ekzekutive e Institutit Georgetown për Gratë, Paqen dhe Sigurinë. Më parë ajo shërbeu si ambasadorja e parë e SHBA-së për Çështjet Globale të Grave, pozicion në të cilin u emërua nga Presidenti Obama në vitin 2009. Ajo koordinoi çështjet dhe aktivitetet e politikës së jashtme në lidhje me avancimin politik, ekonomik dhe social të grave, duke udhëtuar në gati gjashtëdhjetë vende. Ajo punoi për të siguruar që pjesëmarrja dhe të drejtat e grave të integrohen plotësisht në politikën e jashtme të SHBA-së dhe ajo luajti një rol udhëheqës në zhvillimin e administratës së Planit Kombëtar të Veprimit të SHBA-së për Gratë, Paqen dhe Sigurinë. Presidenti Obama e emëroi gjithashtu atë për të shërbyer si Përfaqësuese e SHBA në Komisionin e OKB-së për Statusin e Grave. Nga viti 2000-2008, ajo ishte Kryetare dhe kryeshefe ekzekutive e Vital Voices Global Partnership, OJQ ndërkombëtare që ajo bashkëthemeloi për të investuar në gratë lidere në zhvillim. Gjatë administratës së Klintonit, ajo shërbeu si asistente e Presidentit dhe shefe e stafit të Zonjës së Parë. Ajo gjithashtu udhëhoqi përpjekjet për të krijuar Këshillin Ndërinstitucional për Gratë dhe kishte rol thelbësor në miratimin e Aktit për Mbrojtjen e Viktimave të Trafikimit të vitit 2000. Ajo është bashkëautore e librit Fast Forward: How Women Can Achieve Power and Purpose (2015). Ambasadorja Verveer ka një diplomë bachelor dhe master nga Universiteti Georgetown dhe mban disa diploma nderi. Në vitin 2013, ajo ishte Profesore Vizituese e Humanitas në Universitetin e Kembrixhit dhe në vitin 2017, ajo u zgjodh për të mbajtur Leksionin Tanner në Kolegjin Clare Hall, Kembrixh. Ajo është anëtare e Këshillit për Marrëdhëniet me Jashtë dhe Komisionit Trepalësh dhe shërben në Bordet e National Endowment for Democracy (NED), Këshillin Atlantik, si dhe Këshillin Rekomandues të Bankës Botërore për Gjini dhe Zhvillim. Ajo ka shërbyer gjithashtu si Përfaqësuese Speciale për Çështjet Gjinore për Kryesuesin e OSBE-së. Ajo është marrëse e çmimeve të shumta, duke përfshirë çmimin e Sekretares të Shtetit për shërbim të shquar. Në vitin 2008, Presidenti i Ukrainës i dha asaj Urdhrin e Princeshës Olga.

Memli Krasniqi është kryetar i Partisë Demokratike të Kosovës. Krasniqi shërben mandatin e tij të gjashtë si deputet dhe ishte Ministër i Bujqësisë, Pylltarisë dhe Zhvillimit Rural (2014-2017) dhe Ministër i Kulturës, Rinisë dhe Sportit (2011-2014). Me themelimin e Kabinetit për Qeverisje të Mirë të PDK-së, Krasniqi u emërua në krye të Departamentit të Rinisë, ndërsa në tetor të vitit 2006 u zgjodh Kryetar i Rinisë Demokratike të Kosovës – organizatë rinore e PDK-së që përfaqëson anëtarët e saj të moshës 16-30 vjeçare. Po ashtu, Memli Krasniqi ka qenë nënkryetar i Partisë Demokratike të Kosovës dhe Shef i Grupit Parlamentar si dhe Nënkryetar i Kuvendit. Ai ka përfunduar studimet Bachelor në Shkenca Politike dhe Administrim Publik në Fakultetin Filozofik në Universitetin e Prishtinës dhe Master në Marrëdhënie Ndërkombëtare nga Shkolla e Londrës e Ekonomisë dhe Shkencave Politike. Krasniqi është kandidat për doktoraturë në Akademinë e Studimeve Albanologjike, Instituti për Histori.

Ambasadorja Soderberg është drejtore e Institutit Kombëtar Demokratik në Kosovë. Ajo iu bashkua NDI-së me përvojë prej tre dekadash në promovimin e demokracisë në Kongresin Amerikan, Shtëpinë e Bardhë, në Kombet e Bashkuara dhe organizatat kryesore jofitimprurëse. Po ashtu, ajo ka përvojë të konsiderueshme në mbështetjen e fushatave presidenciale në SHBA, duke punuar në politikën shtetërore dhe lokale dhe duke kandiduar për zyra të zgjedhura. Ambasadorja Soderberg është eksperte në zgjidhjen e konflikteve, paqeruajtjen dhe avancimin e rolit të grave në demokraci. Në 1995 ishte gruaja e parë e emëruar si Zëvendës Këshilltare e Sigurisë Kombëtare dhe më vonë në 1997 si Përfaqësuese Alternative për Shtetet e Bashkuara në Kombet e Bashkuara, me gradën e Ambasadorit. Nga periudha 2011 - 2014, ajo shërbeu si Kryetare e Bordit të Deklasifikimit të Interesit Publik. Ajo ka shërbyer gjithashtu si Presidente e “Connect U.S. Fund”, një iniciativë fondacioni për të promovuar angazhimin e SHBA në sfidat e sigurisë kombëtare dhe si Zëvendës Presidente e Grupit Ndërkombëtar të Krizave, një organizatë globale për parandalimin e konflikteve. Ambasadorja Soderberg shërben si Nënkryetare e Komitetit Kombëtar për Politikën e Jashtme Amerikane dhe është anëtare e Këshillit për Marrëdhëniet me Jashtë. Ajo ka udhëhequr Kongresin për Distriktin e 6-të të Kongresit në Florida në vitin 2018. Ajo gjithashtu ligjeron në Universitetin e Floridës Veriore. Ambasadorja Soderberg është magjistre Shkencash nga Shkolla e Shërbimit të Jashtëm të Universitetit Georgetown dhe ka diplomuar në Art nga Universiteti Vanderbilt. Po ashtu, është komentuese e rregullt në televizionin dhe radion kombëtare dhe ndërkombëtare si dhe autore e disa librave dhe artikujve të shumtë mbi politikën e jashtme amerikane. Ajo flet anglisht dhe frengjisht.

Rachel Weston Eschenbacher është Specialiste e Politikave Rajonale për Pjesëmarrjen Politike dhe Qeverisje për Zyrën Rajonale të UN Women për Evropë dhe Azi Qendrore. Ajo ka mbi një dekadë përvojë në pjesëmarrjen politike dhe qeverisje dhe ka punuar në shumë vende të rajonit të Evropës dhe Azisë Qendrore dhe më gjerë. Para se t'i bashkohej UN Women, ajo punoi si konsulente e pavarur, si Analiste Zgjedhore për NDI Ukrainë dhe si Menaxhere Programi për programin e pjesëmarrjes politike të grave në NDI Jordani. Më parë ajo shërbeu tre mandate si anëtare e zgjedhur e Dhomës së Përfaqësuesve të Vermontit, duke shërbyer në Komitetin e Taksave, Komitetin e Energjisë dhe Mjedisit dhe si anëtare e Grupit të Grave. Ajo është një shtetase e Shteteve të Bashkuara dhe flet turqisht përveç gjuhës angleze si gjuhë amtare. Ajo diplomë bachelor nga Universiteti i Massachusetts në Amherst dhe një diplomë master i Administratës Publike nga Universiteti i Vermontit. Ajo aktualisht është duke përfunduar studimet në nivelin master në të Drejtën Kushtetuese dhe të Drejtat e Njeriut nga Shkolla e Ekonomisë dhe Shkencave Politike në Londër.

Ramush Haradinaj është Kryetar i Aleancës së Ardhmërisë së Kosovës dhe ish-komandant i Ushtrisë Çlirimtare të Kosovës (UÇK). Prej vitit 2004 deri në vitin 2005 ka qenë Kryeministër i Kosovës dhe që nga viti 2017, është zgjedhur përsëri si Kryeministër i Republikës së Kosovës dhe shërbeu deri më shkurt 2020. Pas luftës me transformimin e Ushtrisë Çlirimtare të Kosovës në Trupat Mbrojtëse të Kosovës (TMK) ai emërohet zëvendëskomandant i TMK-së. Në prill të vitit 2000 largohet nga jeta ushtarake dhe themelon partinë Aleanca për Ardhmërinë e Kosovës (AAK), Kryetar i së cilës është edhe sot. Më 3 dhjetor 2004 në parlamentin e Kosovës u zgjodh kryeministër me shumicë votash. Më 8 mars të vitit 2005, Tribunali për Krime të Luftës në ish-Jugosllavi publikoi aktakuzën për krime lufte ndaj tij dhe si rrjedhojë po atë ditë Haradinaj dha dorëheqje nga pozita e Kryeministrit të Kosovës në mënyrë që të përballet me aktakuzën e ngritur nga Tribunali. Ai të nesërmen shkon vullnetarisht në Tribunalin e Hagës, ku me të mbërritur u burgos. Pas disa muajve në paraburgim ai u lirua përkohësisht deri në fillim të gjykimit të tij. Haradinaj ka jetuar për disa vite jashtë Kosovës, kryesisht në Zvicër, ku edhe ka mësuar gjuhën frënge dhe angleze. Haradinaj emigroi në Zvicër, ku jetoi e punoi 8 vite. Në Zvicër, ai u bashkua me lëvizjet atdhetare, nga të cilat e ka origjinën UÇK-së.