Agon Maliqi është krijues dhe redaktor bashkëthemelues i blogut Sbunker. Ai punon si hulumtues dhe këshilltar i politikave publike në sektorin privat, ndërkohë që është i angazhuar edhe si aktivist i shoqërisë civile dhe komentues në shtypin kosovar. Maliqi ka punuar për një numër programesh zhvillimore në Kosovë, kryesisht të ndërlidhura me qeverisjen e mirë, të drejtat e njeriut dhe zhvillimin gjithëpërfshirës. Maliqi ka përfunduar studimet master për Politikat e Zhvillimit Ndërkombëtar në Duke University në SHBA ndërkohë që më parë, në vitin 2006, ka diplomuar për Shkenca Politike dhe Studime Evropiane në Universitetin Amerikan në Bullgari.

Alexander Chavarria është drejtor rezident i Institutit Kombëtar Demokratik në Kosovë. Më parë ka shërbyer si drejtor rezident në Liberi si dhe drejtor i programit pjesëmarrja e qytetarëve në Kuvendin Legjislativë në El Salvador. Ai ka shërbyer si këshilltar ndërkomëtar në çështjet demokracisë dhe qeverisjes për IADB, Programin Ndërkombëtar për Buxhet, Parlamentarët për Grupin e Habitatit dhe OAS. Z. Chavarria është bashkë themelues , ka asistuar dhe më vonë ka shërbyer si këshilltarë për Programin e Zvillimit Legjislativ ( PRODEL) për Kuvendin Legjislativë të Kosta Rikës. Ai gjithashtu ka shërbyer si këshilltar ndërkombëtar në programin për legjislacion të modernizuar në Guatemala dhe këshilltar legjislativë në Dhomën e Përfaqësuesve në Legjislaturën e Teksasit. Z. Chavarria ka shërbyer dhe si vëzhgues ndërkombëtar për OAS gjatë vitit 2004 në zgjedhjet presidenciale ne El Slavador. I lindur në Kosta Rika, Z. Chavarria mbanë një Diplomë Master në Administrim i Biznesit nga Pontificia Universidad Católica de Chile , një Diplomë Master në Shkencat Politike nga Texas State University , dhe është i diplomuar nga programi “licenciatura” në Universitetin e Kosta Rikës, Shkolla për Shkenca Politike.

Ardian Gjini është Kryetar i Komunës së Gjakovës dhe Nënkryetar i Aleancës për Ardhmërinë e Kosovës (AAK). Gjini ishte deputet i Kuvendit të Republikës së Kosovës për dy legjislatura radhazi (2007 - 2014) dhe Ministër i Mjedisit dhe Planifikimit Hapësinor. Ai përfundoi studimet në Universitetin e Kent, drejtimi për marrëdhënie ndërkombëtare dhe studime evropiane.

Colleen Hyland iu bashkua ambasadës së SHBA-së në Prishtinë në gusht të vitit 2016 si zëvendës-shefe e misionit. Ky është misioni i saj i dytë në Kosovë. Para kësaj ajo ka shërbyer si këshilltare politike dhe ekonomike prej vitit 2007 deri në vitin 2009. Para se të kthehej në Prishtinë, Hyland ka qenë zëvendës-drejtoreshë për çështje bilaterale të tregtisë në Departamentin e Shtetit. Jashtë vendit, ajo ka shërbyer si zëvendës-koordinatore për çështje ekonomike dhe asistencë në Kabul, këshilltare politike dhe ekonomike në Lubjanë dhe zyrtare për çështje ekonomike dhe konsullore në San Salvador dhe Guayaquil të Ekuadorit. Gjatë shërbimit në Uashington, Hyland ka qenë në stafin e ndihmës-sekretarit për çështje evropiane, përgjegjëse për Kroaci, zyrtare për tregi bilaterale për Lindjen e Mesme dhe Afrikën dhe zëvendës-drejtoreshë e zyrës për çështje ekonomike të Irakut. Si anëtare e karrierës e Shërbimit të lartë të Punëve të Jashtme, Hyland ka studiuar në Kolegjin Mount Holyoke, ku ka diplomuar në degën për studime evropiane, si dhe ka kryer studimet e larta për

Emilija Redžepi është deputete në dy legjislaturat e fundit dhe Kryetare Partisë së re Demokratike (NDS). Redžepi ishte kandidate për postin e Kryetarës së Komunës së Prizrenit në zgjedhjet lokale të vitit 2017. Emilia Redžepi gjithashtu ishte Nënkryetare e Komunës së Prizrenit dhe Zëvendës Ministre për Zhvillim Ekonomik dhe Energji. Aktualisht, ajo është duke i përfunduar studimet e magjistraturës në Shkenca Politike.

Gresa Caka-Nimani është dekretuar gjyqtare e Gjykatës Kushtetuese të Republikës së Kosovës, më 30 dhjetor 2015. Ka shërbyer si Këshilltare e Lartë Ligjore dhe së fundi Lidere e Ekipit të Zyrës për Demokraci dhe Qeverisje në Agjencinë Amerikane për Zhvillimin Ndërkombëtar (USAID) në Kosovë. Në ushtrimin e detyrave, ajo i ka kushtuar rëndësi të veçantë mbrojtjes së të drejtave të njeriut dhe politikave të gjithëpërfshirjes, posaçërisht sa i përket çështjeve gjinore dhe komuniteteve pakicë. Gjyqtarja Caka-Nimani ka qenë edhe pjesëmarrëse në grupe të ndryshme punuese për hartimin e legjislacionit në fushën e sundimit të ligjit. Gjatë viteve 2006-2008, ajo ka qenë koordinatore dhe këshilltare e mbështetjes së Qeverisë Amerikane në Kosovë për Grupin Punues dhe më pas Komisionin Kushtetues, përgegjës për hartimin e Kushtetutës së Republikës së Kosovës. Studimet për drejtësi, gjyqtarja Caka-Nimani i ka kryer në Fakultetin Juridik të Universitetit të Prishtinës në vitin 2004, ndërsa magjistraturën në fushën e integrimeve evropiane dhe regjionalizmit e ka përfunduar në Universitetin e Grazit në vitin 2007, në Austri. Gjyqtarja Caka-Nimani aktualisht vijon studimet për doktoratë në fushën e së drejtës kushtetuese në Universitetin e Grazit, në bashkëpunim me Universitetin e Primorskës, Slloveni.

Gretchen Birkle ju bashkua Zyrës për Evropë dhe Euroazi në gusht të vitit 2017, ku ajo shërbeu si Zëvendëse Ndihmëse Administratore. Në këtë cilësi, ajo mbikëqyr politikën e zhvillimit të SHBA-së në rajon dhe protokollin e programeve bilaterale dhe rajonale në demokraci dhe qeverisje, siguri energjetike dhe rritje ekonomike. Para USAID-it, Birkle shërbeu jashtë shtetit dhe në Uashington DC, në Institutin Ndërkombëtar Republikan (IRI). Ajo ka mbikëqyrur zbatimin e iniciativave të para globale të Institutit për gratë dhe të rinjtë, ka punuar si shefe e partisë në Kabul, Afganistan dhe ka punuar si drejtoreshë për Afrikën pasi ju bashkua IRI-së më 1999 si zyrtare e programit për Ukrainën dhe Bjellorusinë. Përvoja e saj në sektorin publik të Birkle përfshin punën në vitet 2004-2006 si koordinatore e lartë në Departamentin e Zyrës Shtetërore të Demokracisë, të Drejtave të Njeriut dhe të Drejtave të Punës. Ajo gjithashtu shërbeu si përfaqësuese e bordit në procesin ndërinstitucional për Korporatën e Sfidës së Mijëvjeçarit dhe si asistente ligjvënëse e senatorit Arlen Specter, ku ajo mbulonte çështjeve e jashtme, të mbrojtjes, të operacioneve të jashtme, si dhe çështjet e energjisë. Birkle u diplomua në Shkollën për Studime të Avancuara Ndërkombtare në Johns Hopkins, me një master në Studimet Sovjetike dhe Ekonomi Ndërkombëtare. Ndërkaq, studimet bachelor i ka përfunduar në drejtimin Politikë Ndërkombtare në Universitetin Shtetëror të Pensilvanisë.

Kadri Veseli është Kryetar i Kuvendit të Republikës së Kosovës i cili u zgjodh për herë të dytë radhazi më 7 Shtator 2017 dhe Kryetar i Partisë Demokratike të Kosovës (PDK) që nga maji i vitit 2016. Para zgjedhjes së tij si nënkryetar i PDK-së, në janar të vitit 2013, Veseli për pothuajse një dekadë, në bashkëpunim me bashkësinë ndërkombëtare, kontribuoi në fushën e sigurisë, ndërtimit të paqes dhe stabilitetit në Kosovën e pasluftës. Ai gjithashtu ishte një nga figurat kryesore të Ushtrisë Çlirimtare të Kosovës dhe në të njëjtën kohë ka mbështetur në mënyrë aktive procesin e paqes në Rambuje. Në këtë proces, Veseli ka shërbyer si këshilltar i jashtëm në Delegacionin e Kosovës. Ai ishte një nga udhëheqësit e rinj të lëvizjeve studentore gjatë viteve 1988 - 1990, kundër shkeljes së të drejtave të njeriut të shqiptarëve në Kosovë dhe për njohjen e të drejtës për pavarësi. Kadri Veseli aktualisht është kandidat për doktoraturë në Universitetin e Lubjanës, në Slloveni.

Memli Krasniqi është kryetar i grupit parlamentar të PDK-së dhe zëvendës kryetar i Partisë Demokratike të Kosovës. Krasniqi ishte Ministër i Bujqësisë, Pylltarisë dhe Zhvillimit Rural (2014-2017) dhe Ministër i Kulturës, Rinisë dhe Sportit (2011-2014). Ai përfundoi studimet universitare në Fakultetin Filozofik të Universitetit të Prishtinës, drejtimi Shkenca Politike dhe Administratë Publike, ndërsa studimet post-diplomike i përfundoi në London School of Economics and Political Science, drejtimi Marrëdhënie Ndërkombëtare. Krasniqi është kandidat për doktoraturë në Akademinë e Studimeve Albanologjike, Instituti për Histori.

Mexhide Mjaku Topalli është kryetare e sapozgjedhur e Grupit Joformal te Grave Deputete. Topalli është deputete e Kuvendit të Republikës së Kosovës nga rradhët e PDK-së, duke shërbyer në mandatin e saj të dytë. Ajo është anëtare e Komisionit për të Drejtat e Njeriut, Barazi Gjinore, për Persona të Pagjetur dhe Peticione. Më herët Mjeku-Topalli ka qenë mësimdhënëse dhe drejtoreshë në shkolla fillore dhe të mesme në Ferizaj. Ajo mban titullin magjistre në psikologji arsimore.

Vjosa Osmani është deputete nga radhët e Lidhjes Demokratike të Kosovës për tre legjislaturat e fundit. Osmani është Kryetare e Komisionit për Punë të Jashtme, Diasporë dhe Investime Strategjike. Vjosa Osmani ishte gruaja më e votuar në zgjedhjet e përgjithshme të vitit 2017 në Kosovë. Osmani ka përfunduar studimet universitare në Fakultetin Juridik, Universiti i Prishtinës. Studimet e magjistraturës dhe doktoraturës i ka përfunduar në Universitetin e Pittsburgh. Ajo është profesoreshë në Universitetin e Prishtinës, Universitetin e Pittsburgh dhe Universitetin Amerikan në Kosovë.

Adriatik Kelmendi Adriatik Kelmendi është moderator, kolumnist dhe gazetar. Ai është autor i programin televiziv “Rubikon” në të cilin diskutohen tema prej më të ndryshmeve. Kelmendi ka punuar si redaktor në gazetën e përditshme 'Koha Ditore' përgjatë viteve 1998-2004. Ai po ashtu ishte korrespondent për shumë media rajonale dhe ndërkombëtare. Përveç karrierës së tij në media, Kelmendi është i angazhuar në fushën akademike në Prishtinë. Ai është profesor në Fakultetin e Komunikimit Masiv në Universitetin AAB Riinvest, në Departamentin e Gazetarisë Televizive dhe Praktika Mediatike. Ai gjithashtu ka ligjëruar edhe në Fakultetin e Gazetarisë 'Faik Konica'. Ai diplomoi në gazetari në Universitetin e Prishtinës dhe studimet Master i përfundoi në mediat masive dhe komunikim në Universitetin Goldsmiths në Londër. Ai ka marrë çmime të shumta, duke përfshirë çmimin për gazetari në Kosovë dhe çmimin DuPont Columbia Gold Baton në Shtetet e Bashkuara.

Arian Zeka është Drejtor Ekzekutiv i Odës Ekonomike Amerikane në Kosovë. Ai është emëruar në këtë pozitë në qershor të vitit 2012, pasi ka shërbyer më parë si Zëvendës Drejtor dhe Udhëheqës i Departamentit të Politikave që nga nëntori i vitit 2009. Krahas udhëheqjes së implementimit të një programi aktiv të shërbimeve, aktiviteteve dhe ngjarjeve në mbështetje të anëtarëve të Odës, ai gjithashtu promovon imazhin publik të organizatës duke shërbyer si ‘ërfaqësues i Odës dhe duke ndërmjetësuar në emër të anëtarëve të saj me udhëheqësit e tjerë të Kosovës, komunitetet ndërkombëtare të biznesit dhe me përfaqësuesit e agjencive qeveritare vendore dhe ndërkombëtare. Detyrat dhe përgjegjësitë e tij përfshijnë krijimin dhe ruajtjen e marrëdhënieve produktive të punës me organizatat dhe individët relevantë për Odën. Ai përfaqëson Odën Amerikane në Kosovë në mekanizmat më të rëndësishëm ekonomik në nivel shtetëror dhe ndër-institucional, siç është Këshilli Kombëtar për Zhvillim Ekonomik. Gjatë vitit 2015, ai ishte kryesues i Këshillit Konsultativ, i përbërë nga Ministria e Financave, Administrata Tatimore, Dogana, dhe dy organizata tjera të biznesit. Gjatë periudhës së tij udhëheqëse, Oda ka dyfishuar anëtarësinë e saj, përderisa në vitin 2013, Oda Amerikane në Kosovë ishte Oda me rritjen më të madhe në aspekt të anëtarësisë në mesin e 43 Odave Amerikane në Evropë. Gjithashtu, gjatë shërbimit të tij, Oda Amerikane ka themeluar në vitin 2012 Fondacionin e Bamirësisë, dhe ka fuqizuar edhe më shumë kapacitetet e Qendrës së Arbitrazhit në aspekt të ofrimit të arbitrazhit profesional dhe shërbimeve të ndërmjetësimit. Ai është gjithashtu anëtar ex-officio i Këshillit Drejtues të Qendrës së Arbitrazhit.

Atifete Jahjaga është presidentja e parë grua e Republikës së Kosovës, e zgjedhur nga Parlamenti i Kosovës më 07 prill 2011. Ajo është po ashtu edhe Presidentja e parë grua në historinë moderne të Ballkanit. Ajo ka filluar karrierën e saj si zyrtare e Policisë së Kosovës që nga themelimi në vitin 2000, ku fillimisht ka qenë zyrtare policore dhe më pas është avancuar duke u bërë Gjeneral Major dhe duke shërbyer si drejtoreshë në detyrë fillimisht në nivel rajonal e pastaj edhe në drejtorinë qendrore. Presidentja Jahjaga është anëtare e Këshillit të Grave Lidere Botërore (CWWL). Ajo ka përfunduar studimet në fakultetin juridik të Universitetit të Prishtinës në vitin 2000 dhe ka përfunduar programe pasuniversitare për Menaxhment Policor dhe Ligj Penal në universitetin e Leicester-it në Mbretërinë e Bashkuar. Po ashtu ka ndjekur programin pasuniversitar për Shkencën mbi Krimin, në Universitetin e Virginia-s në Shtetet e Bashkuara.

Besa Ismaili mban aktualisht postin e zëvendës dekanës në Fakultetin e Studimeve Islamike në Prishtinë dhe pozitën mësimore të një profesori të gjuhës angleze në FIS. Ajo është studente pasuniversitare për çështjet e Grave, Fejes dhe Shoqërisë dhe interesat e saj kërkimore janë në kryqëzimin midis gjinisë, shoqërisë dhe Islamit në Kosovë. Ajo ka shërbyer për më shumë se 10 vjet me misione ndërkombëtare në Kosovë si përkthyese / përkthyese dhe ka shkruar shumë hulumtime mbi gjininë, fenë, sekularizmin dhe shoqërinë, si dhe përkthime të disa librave. Besa është e njohur për aktivizmin e saj në çështjet e grave dhe ka qenë një zë i shquar i grave muslimane kundër diskriminimit dhe islamofobisë, si dhe një aktiviste kryesore ndërfetare.Ajo vepron si trajner në çështjet gjinore dhe fetare. Dhe është përfshirë në mënyrë aktive në krijimin e tregimit pozitiv kundër ekstremizmit dhe gjuhës së urrejtjes. Ajo ka përkushtuar me pasion kontributin e saj në dialogun ndërfetar në Kosovë, veçanërisht në fuqizimin e pozitës së grave brenda dhe jashtë institucioneve fetare dhe fuqizimin e grupeve të margjinalizuara, grave dhe të rinjve.Ajo i është dhënë titulli Ambasadore për Paqe për kontributin e saj në Dialogun Ndërfetar nga UN UPF në vitin 2015.

Dhurata Hoxha është emëruar Ministre e Integrimit Evropian në shtator të vitit 2017, pas pozitës së saj si Ministre e Drejtësisë deri në korrik 2016. Para se të emërohej në pozitën aktuale, Hoxha ishte Këshilltare Politike e Kryetarit të Kuvendit të Republikës së Kosovës, Kadri Veseli, ku përgjegjësitë e saj mbulonin politikat e sigurisë dhe sundimit të ligjit. Dhurata Hoxha aktualisht është anëtare e kryesisë qendrore të Partisë Demokratike të Kosovës (PDK) si dhe e Kryesisë së PDK-së, në degën e Prishtinës. Gjithashtu, ajo ka qenë Këshilltare e Kryeministrit të Republikës së Kosovës, Hashim Thaçi. Përgjegjësitë e saj kryesore janë shtrirë në fushën e sigurisë kombëtare si dhe sundimit të ligjit. Në vitin 2008, ka përfunduar studimet master në Georgetown University në Washington DC, në departamentin e Studimeve të Sigurisë, me fokus në sigurinë ndërkombëtare. Ndërsa në vitin 2004 ka përfunduar studimet e saj universitare në Graceland University, Iowa, SHBA, ku diplomoi në Marrëdhënie Ndërkombëtare dhe Shkenca Politike me nderime të larta.

Doris Pack është politikane gjermane, Presidente e Grave në Partinë Popullore Evropiane (EPP) dhe deputete e Parlamentit Evropian në vitet 1989-2014. Ajo ishte anëtare e parlamentit gjerman (Bundestag) gjatë viteve 1974-1983 dhe 1985-1989. Ajo është gjithashtu anëtare e Unionit Kristian-Demokrat. Pack ka qenë kryetare e Komisionit të Bashkimit Evropian për Kulturë dhe Edukim. Tani ajo është kryetare e Fondacionit Franko-Gjerman për Bashkëpunim Kulturor, kryetare e Asociacionit Evropian të Panairit të Librave për Fëmijë, anëtare e këshillit të televizionit ZDF, kryetare e Saar Adult Education Association, zëvendës kryetare e Lëvizjes Evropiane për Saar-in. Pack diplomoi në vitin 1965 dhe punoi si mësimdhënëse në shkolla fillore deri në vitin 1974. Gjatë viteve 1983-1985, ajo punoi në Ministrinë e Edukimit të Saarlandës. Në vitin 2007, ajo mori çmimin honoris causa nga Universititeti i Zadar-it në Kroaci.

Flora Macula është udhëheqëse e UN Women në Kosovë dhe këshilltare e programit rajonal për paqe dhe qeverisje në kuadër të Kombeve të Bashkuara. Që nga viti 2000, ajo është duke punuar për projketin e UNIFEM/UN Women në Kosovë. Macula ka mbështetur përpjekjet e grave në institucionalizimin e mekanizmave gjinor brenda institucioneve qeverisëse. Po ashtu ajo ka punuar në zhvillimin e Planit Kombëtar të Veprimit për Barazi Gjinore dhe ligjeve për barazi gjinore në Kosovë dhe rajon. Gjatë periudhës 2005-2007, Macula ka ofruar asistencë teknike për institucionet qeveritare dhe jo-qeveritare dhe organizatat ndërkombëtare për barazinë gjinore dhe WHR në Shqipëri, Mal të Zi dhe Serbi. Që nga viti 2005, ajo është duke mbështetur themelimin dhe aktivitetet e Lobit Rajonal të Grave të Evropës Juglindore dhe dialogun ndër-etnik në Kosovë dhe Bosnje dhe Hercegovinë. Flora Macula ka përfunduar studimet Master në Integrim Evropian dhe Juridik në CIFE - Centre International de Formation Européenne në Nicë të Francës.

Florian Qehaja është drejtor ekzekutiv i Qendrës Kosovare për Studime të Sigurisë (KCSS). Floriani është autor i disa publikimeve shkencore dhe të politikave në fushën e sigurisë. Ai punon si konsultant ndërkombëtar në çështje të sigurisë duke bashkëpunuar më organizata ndërkombëtare qeveritare dhe jo-qeveritare. Së fundmi ai është duke koordinuar mbështetjen bilaterale të Ministrisë Norvegjeze të Mbrojtjes për Ministrinë e Forcës së Sigurisë së Kosovës. Florian Qehaja ka një post-doktoraturë nga Universiteti i Kolumbisë (SIPA) si Bursist Fulbright. Ai mori titullin doktor shkence në studimet e sigurisë nga Fakulteti i Shkencave Sociale, në Universitetin e Ljubjanës. Për më tepër është diplomuar në Universitetin e Sussex (Mbretëria e Bashkuar) në Studimet Bashkëkohore Evropiane (Master) dhe ka marrë titullin Bachelor në Juridik në Universitetin e Prishtinës.

Garentina Kraja është ligjëruese në Universitetin Amerikan në Kosovë - RIT Kosovo (A.U.K). Kraja shërbeu si këshilltare e lartë për politikën e jashtme dhe sigurinë e presidentes së Republikës së Kosovës, Atifete Jahjaga. Ajo gjithashtu punoi për një periudhë të shkurtë si koordinatore e zhvillimit akademik në RIT Kosovo (A.U.K) dhe ligjëroi disa lëndë: Hyrje në Politikën Krahasuese, Politikat e Vendeve në Zhvillim, Feja dhe Politikat Ndërkombëtare. Garentina Kraja diplomoi me nderime të larta në vitin 2011, me titullin Master i Arteve në Shkencat Politike nga Universiteti i Yale. Ajo po ashtu mori çmimin Charles Washburn Clark për esenë më të mirë në Politika Krahasuese mbi rekrutimin në organizata rebele gjatë luftërave civile.

Greg Delawie është Ambasador i Shteteve të Bashkuara të Amerikës në Republikën e Kosovës. Delawie dha betimin si ambasador më 24 korrik 2015. Më parë, Delawie shërbeu si zëvendës i ndihmës-sekretarit për verifikim, planifikim dhe siguri evropiane në Zyrën për kontroll, verifikim dhe pajtueshmëri të armëve të Departamentit të Shtetit. Para kësaj detyre, Delawie ka shërbyer si zëvendës-shef i Misionit në Ambasadën e SHBA-së në Berlin, Gjermani, ku ishte zyrtari kryesor operativ i njërit prej misioneve më të mëdha të Shteteve të Bashkuara jashtë vendit; si zëvendës i ndihmës-sekretarit në Zyrën për çështje Politiko-Ushtarake, ku ishte personi kryesor i Departamentit të Shtetit për çështje kundër piraterisë dhe menaxhoi programet për çminim humanitar, negocim të marrëveshje për status të forcave. Delawie gjithashtu ka shërbyer si zëvendës-shef i Misionit në Ambasadën e SHBA-së në Zagreb, Kroaci, dhe në pozita të ndryshme në Romë, Ankara dhe Frankfurt. Në detyra të tjera në Uashington ai ka punuar në çështje të tregtisë bilaterale, politika të burimeve njerëzore, siguri të aviacionit, si zyrtar përgjegjës për Organizatën për bashkëpunim dhe zhvillim ekonomik dhe si mbikëqyrës në Qendrën për operacione të Departamentit të Shtetit. Ai është diplomuar në ekonomi në Kolegjin e Harvardit.

Igballe Rogova është Drejtoreshë Ekzekutive në Rrjetin e Grave të Kosovës.

Jan Braathu, Ambasador nga Norvegjia është Shef i Misionit të OSBE-së në Kosovë nga 1 tetori i vitit 2016. Para marrjes së këtij posti, ka shërbyer si Ambasador në Bosnjë dhe Hercegovinë gjatë viteve 2006-2011 dhe pastaj në Kosovë e Shqipëri gjatë viteve 2011-2016. Diplomati norvegjez që nga viti 1985, Braathu ka përvojë dhe njohuri të gjerë rreth Ballkanit Perëndimor. Ai mban titullin Doktor i Shkencave Politike (PhD) nga Universiteti i Oslos.

Jeta Krasniqi është menaxhere e projektit në Institutin Demokratik të Kosovës (KDI). Ajo është duke udhëhequr projektin për të fuqizuar rolin mbikëqyrës të Kuvendit ndaj Qeverisë dhe për të rritur pjesëmarrjen e qytetarëve në procesin e dialogut Kosovë-Serbi. Në të kaluarën, Krasniqi ishte këshilltare politike e Presidentës së Republikës së Kosovës, Atifete Jahjaga, ku kryesisht ishte e angazhuar në fushën e politikës së jashtme, zhvillimin ekonomik, promovimin e të drejtave të njeriut dhe barazinë gjinore. Jeta Krasniqi ishte koordinatore e Këshillit Kombëtar për Mbijetuarit e Dhunës Seksuale Gjatë Luftës, këshill ky i themeluar nga Presidentja Jahjaga. Që një kohë të gjatë, ajo ka qenë e angazhuar në organizata të shoqërisë civile, në avancimin e rolit të grave në Kosovë dhe Shqipëri. Jeta Krasniqi diplomoi në çështje ndërkombëtare në Universitetin Johns Hopkins, Shkolla e Studimeve të Avancuara Ndërkombëtare (SAIS) dhe përfundoi studimet e saj universitare në djretimin marrëdhënie ndërkombëtare në Eastern Mediterranean University në Republikën Turke të Qipros Veriore.

Kıvılcım Kılıç është Ambasadore e Republikës së Turqisë në Republikën e Kosovës. Ajo është diplomuar në Fakultetin e Shkencave Politike, Universiteti i Ankarasë dhe mbanë titullin Master në Bashkimin Evropian në Universitetin Evropian të Lefkës. Ajo ka punuar në Ministrinë e Punëve të Jashtme gjatë viteve 1991-1994, 1990-2001, 2005-2007, 2012-2015, në Ambasadën Turke në Sarajevë në vitin 1994, në Nikozi gjatë viteve 1994-1998 dhe në Washington gjatë viteve 2007-2010. Përveç kësaj, Kılıç ka punuar si përfaqësuese e Parlamentit Turk në Bashkimin Evropian në Bruksel përgjatë viteve 1998-1999, 2001-2005 dhe në Asamblenë e përgjithshme të Turqisë në vitet 2010-2012.

Lt. Gen. (ret.) Keith W. Dayton ëështë drejtor i Qendrës Evropiane për Studime të Sigurisë George C. Marshall, ku ai është përgjegjës për organizimin e kurseve rezidente, programeve të komunikimit me qytetarët dhe një rrjeti ndërkombëtar dhe ndërinstitucional prej më shumë se 8000 zyrtarëve qeveritarë në të gjithë Evropën, Euroazinë, Azinë Qendrore dhe Evropën Juglindore në fushat e studimeve ndërkombëtare të sigurisë, të mbrojtjes dhe të punëve të jashtme. Ai është i pensionuar nga detyra aktive në ushtrinë e SHBA-së nga 1 Dhjetori 2010, si general-nënkolonel pas më shume se 40 vite shërbimi. Duke qenë një oficer i zonës së jashtme nga trajnimi, Gjenerali Dayton shërbeu si oficer policie ushtarake për Ushtrinë në Uashington D.C , si atasheh i mbrojtjes së SHBA-së në Rusi dhe zëvendës drejtor për çështjet politiko-ushtarake në Evropë dhe Afrikë, për divizionin J-5 të stafit të përbashkët në Uashington DC. Gjenerali Dayton gjithashtu ka punuar si drejtor për operacione dhe drejtor për inteligjencën njerëzore për Agjencinë e Inteligjencës së Mbrojtjes në Uashington DC, duke përfshirë detyrën si drejtor i Grupit të Hulumtimit të Irakut për Operacionin Liria e Irakut në Irak; dhe mandej vazhdoi të drejtonte strategjinë, planet dhe ndarjen e politikave për Departamentin e Ushtrisë përpara emërimit të tij në Jeruzalem në dhjetor 2005. Gjenerali Dayton ka studiuar Bachelor për Arte në histori në Kolegjin William dhe Mary, ka bërë master në histori në Universitetin e Kembrixhit dhe master në marrëdhëniet ndërkombëtare në Universitetin e Kalifornisë Jugore.

Marie-Louise Coleiro Preca është Presidentja e nëntë e Republikës së Maltës. Kandidimi i saj për Presidente ishte i pari në historinë e Parlamentit Nacional të Maltës dhe u miratua në mënyrë unanime me një rezolutë parlamentare nga Dhoma e Përfaqësuesve më 1 Prill 2014, duke shënuar një përparim në historinë kushtetuese të Maltës. Në moshën 55 vjeçe, Coleiro Preca është Presidentja më e re e shtetit, the gruaja e dytë që zë vendin e kreut të shtetit pas 32 vjetësh. Shpejt pasi që mori detyrën, Presidentja Coleiro Preca ka themeluar një numër të entiteteve për te zhvilluar dialogun dhe për të forcuar unitetin dhe kulturën e paqes mes njerëzve.

Minire Begaj

Natasa Kandic është aktiviste Serbe për të drejtat e njeriut, themeluese dhe ish-drejtore ekzekutive e Qendrës për të Drejtat Humanitare, një organizatë që bën promovimin e të drejtave të njeriut dhe pajtimin në ish-Jugosllavi, duke u fokusuar në rolin e Serbisë në konflikt. Ajo ka fituar shumë çmime ndërkombëtare për punën e saj për të drejtat e njeriut, ndër të tjera çmimin Amnesty International’s Objective Observer.

Nebi Qena është gazetar me profesion dhe karrierën e tij e filloi në të përditshmen e parë të pavarur në Kosovë, “Koha Ditore” në vitin 1997. Ai ishte Drejtor i Lajmeve dhe Çështjeve të Aktuale në transmetuesin publik të Kosovës ku gjithashtu drejtoj një program televiziv që kishte të bënte me tema aktuale. Ai u bashkua me Associated Press (AP) si një korrespondent shumë disiplinor në vitin 2007, fillimisht për Kosovë dhe më pas mbuloi edhe lajme për Evropë dhe Lindjen e Mesme, duke përfshirë luftën në Ukrainë dhe në Siri. Ai është aktualisht producent i lartë i AP në Jerusalem, ku është përgjegjës për operacionet televizive të agjencisë në Izrael, Gaza dhe Bregun Perëndimor.

Ruairi O’Connell ëshë Ambasador i Mbretërisë së Bashkuar në Kosovë. Ai u bashkua zyrës për Punë të Jashtme në vitin 2001. Ai ka filluar karrierën në Eastern Adriatic Department dhe ka punuar në një sërë çështjesh që nga atëherë, me një focus të veçantë në sigurinë Evropiane dhe zhvillimin e qëndrueshëm ekonomik. Në Londër ai ka shërbyer si Udhëheqës i Njësisë së Përfaqësuesit Special të Sekretarit të Jashtëm për Ndryshim të Klimës gjatë viteve 2008-2010, Shef i Strategjisë dhe Analizës në Drejtorinë e Financave gjatë viteve 2010-2011, Zëvëndës Drejtor i Kampanjës Londra 2012 dhe GREAT gjatë viteve 2012-2013, Udhëheqës i Projektit Trafikimi Ilegal i Kafshëve të Egra gjatë viteve 2013-2014 dhe Udhëheqës i Njësisë së Samitit të NATO-s në kuadër të Drejtorisë për Mbrojtje dhe Siguri Ndërkombëtare gjatë viteve 2014-2015.

Valbona Zeneli është drejtoreshë e programit për Euroazi dhe Detin e Zi, në Qendrën Evropiane George C. Marshall për Studime të Sigurisë. Valbona tani është është pjesë e programit të Studimeve të Aplikueshme të Sigurisë (PASS) si profesoreshë, Programit Kundër lëndëve narkotike dhe trafikimit illegal (CNIT), Programit mbi Studimet e Sigurisë Kibernetike (PCSS), Seminarit të Lartë Ekzekutiv (SES), dhe Seminarit për Sigurinë Rajonale (SRS). Gjithashtu, ajo është e angazhuar në Partneritetin për Paqe të Akademive të Mbrojtjes dhe Instituteve të Studimeve të Sigurisë si anëtare e grupit të punës në Evropën Juglindore dhe të grupit të punës për reformën e sektorit të sigurisë.Valbona Zeneli ka doktoraturë në ekonominë politike nga Universiteti 'Aldo Moro' në Bari të Italisë (2011), si dhe një diplomë Master në fushën e marketingut ndërkombëtar nga Universiteti Georgetown, Washington DC (2006). Zeneli gjithashtu ka diplomuar në programin Marshall Center’s Leaders në studimet ndërkombëtare dhe të sigurisë (2003) dhe në programin Government Executive Education të Kennedy School of Government, Universitetit i Harvardit (2009).

Fitim Mulolli

Fitore Pacolli

Jetmir Bakija është njëri nga themeluesit e Demokraci Plus (D+) dhe që një kohë të gjatë është aktivist i shoqërisë civile në Kosovë. Për disa vite ka shërbyer si zyrtar i lartë për një kohë të gjatë në National Democratic Institute (NDI) në Nepal, Afganistan dhe Turqi ku ka ndihumar shumë organizata jo-qeveritare në këto dy vende për të monitoruar institucionet publike të vendeve të tyre. Po ashtu, në kuadër të NDI-Kosovë ka punuar në ndërlidhje të Kuvendit të Kosovës me shoqërinë civile. Më herët ka punuar me UNDP-në për planifikimin e decentralizimit në Kosovë. Studimet për Shkenca Politike i ka përfunduar në ShBA në Universtetin Texas A&M, ndërsa studimet post-diplomike në Politika dhe Tregti Ndërkombëtare në Valparaiso University në Indiana, ShBA. Përmirësimi i qeverisjes në nivel lokal dhe qendrore si dhe avancimi i politikave sociale në vend janë fushat me interes për të.

Rinor Beka

Stieneke Van der Graaf që nga marsi i vitit 2017, është deputete e Dhomës së Përfaqësuesve të Holandës. Ajo është anëtare e Komisionit Parlamentar për Punë të Jashtme, Çështje Evropiane dhe Çështje të Mbretërisë. Van der Graaf është gjithashtu anëtare e Grupit të Kontaktit të Deputetëve me Gjermaninë, Komisioneve për Arsim; Tregtinë e Jashtme dhe Bashkëpunimin për Zhvillim Ndërkombëtar; Drejtësinë dhe Sigurinë. Ajo është një nga gratë deputete më të reja në Holandë nga radhët e partisë Unioni Kristian, parti e cila është anëtare e koalicionit në Qeverinë e Holandës. Gjatë 2007-2013, Stieneke ishte deputete rajonale dhe udhëheqëse e grupit parlamentar. Ajo po ashtu punon si avokate për një kompani që fokusohet në ofrimin e zgjidhjeve të cilat mundësojnë qasjen e vendeve dhe tregjeve në zhvillim në produkte financiare. Van der Graaf ka studiuar të Drejtën Ndërkombëtare dhe Evropiane në Universitetin e Groningenit dhe studimet post-diplomike i ka mbaruar në Institutin Clingendael, pjesë e Institutit të Holandës për Marrëdhënie Ndërkombëtare në Hagë.

Valdete Idrizi

Driton Zeqiri është Specialist i Monitorimit dhe Vlerësimit në Programin e USAID-it për të Drejtat Pronësore. Ai ka hartuar dhe mbikëqyrur dy sondazhe mbi të Drejtat Pronësore në Kosovë. Në cilësinë e metodologjistit, ai hartoi metodologjinë dhe instrumentet për të matur ndikimin e fushatës së USAID-it për Mbrojtjen e të Drejtave Pronësore. Dritoni është një studiues me më shumë se 15 vjet eksperiencë në organizata vendore dhe ndërkombëtare, duke përfshirë institucionet kërkimore, institucionet e arsimit të lartë dhe organizata të tjera profesionale. Si sociolog ai ka kontribuar në fushën e të drejtave të njeriut dhe demokracisë, me fokus të veçantë në të drejtat e grave dhe fëmijëve.

Hana Limani është specialiste e komunikimit në tema sociale në Kosovë. Hana është e angazhuar në fushën e komunikimit, duke u fokusuar në fushatat e ndryshimit të sjelljes shoqërore dhe aktivitetet në terren, posaçërisht për të drejtat pronësore të grave në Kosovë. Përvojat e saj të mëparshme të punës kanë qenë me grupet në Kosovë, përkatësisht komunitetet jo-shumicë, personat e zhvendosur, të kthyerit dhe refugjatët. Hana ishte përgjegjëse për avokimin e të drejtave të tyre dhe për të siguruar që ato të zbatohen nga autoritetet e qeverisjes vendore. Hana aktualisht është përgjegjëse për drejtimin e fushatës së gjerë ndërgjegjësuese për të drejtat e barabarta të pronësisë midis burrave dhe grave në Kosovë, që përfshin produktet e medias, aktivitetet në terren në nivel lokal, produktet e shtypura, mediat sociale etj. Ajo ka diplomë bachelor nga Universiteti Carroll në Shtetet e Bashkuara për Marrëdhëniet Ndërkombëtare dhe Studimet Evropiane dhe diplomë Master në Shkenca Politike nga Universiteti i Prishtinës. Përqendrimet e saj akademike janë në fushat e migracionit dhe studimeve të refugjatëve, të drejtat e minoriteteve dhe studimet gjinore.

Qëndron Kastrati është Kryetari i Komunës së Kamenicës. Në periudhën 2007–2008 ai ka punuar në Korporatën Energjetike të Kosovës. Gjatë viteve 2010-2013 ka punuar si inxhinier i rrjeteve telekomunikuese në kompaninë “3CIS J.S.C”. Në vitin 2013 është zgjedhur anëtar në Kuvendin Komunal të Prishtinës, dhe ka drejtuar Grupin e Asambleistëve të Lëvizjes Vetëvendosje. Ai është zgjedhur deputet i Kuvendit të Kosovës ne zgjedhjet e përgjithshme në Qeshor 2017 por pasi u zgjedh Kryetar Komune i Kamenicës ai u tërhoq nga posti i deputetit. Kastrati aktualisht është absolvent në Fakultetin e Inxhinierisë Elektrike dhe Kompjuterike pranë Universitetit të Prishtinës.

Ramush Haradinaj është kryeministër i Kosovës, i zgjedhur në shtator të vitit 2017 në zgjedhjet parlamentare të mbajtura në qershor 2017. I lindur në Kosovën perëndimore më 1968, Haradinaj përfundoi shërbimin ushtarak në Ushtrinë Jugosllave. Pas konfliktit, Haradinaj studioi në Fakultetin e Juridikut në Universitetin e Prishtinës dhe e bëri publike hyrjen e tij në në politikë duke themeluar Aleancën për Ardhmërinë e Kosovës (AAK) më 29 prill 2000. Atë kohë, Haradinaj ka shënuar një sukses zgjedhor duke u zgjedhur si kryeministër, duke shërbyer gjatë periudhës 2004-2005. Gjatë zgjedhjeve të Kosovës në tetor 2004, ai kishte hyrë në bisedime për të krijuar një koalicion me Lidhjen Demokratike të Kosovës (LDK) të udhëhequr nga Ibrahim Rugova, atëherë kryetar i Kosovës. Rugova formoi një qeveri pas zgjedhjeve të vitit 2004 dhe e emëroi Haradinajn si Kryeministër të vendit. Në Kuvendin e Kosovës, kandidatura e Haradinajt për Kryeministër fitoi mbështetjen e 72 anëtarëve nga 120, me vetëm tre kundërshtarë. Por shpejt pas këtyre zgjedhjeve, Haradinaj ka dhënë dorëheqjen pasi u thirr nga Tribunali Ndërkombëtar Penal i ish-Jugosllavisë (ICTY) që të gjykohet për akuzat e krimeve të luftës të cilat u dorëzuan nga Serbia. Më 3 prill 2008 ai u lirua nga të gjitha akuzat. Në vitin 2010, pas një apeli nga prokuroria, ai u kthye në Hagë për rigjykim të pjesshëm dhe më 29 nëntor 2012 ai u lirua përsëri nga të gjitha të gjitha akuzat. Pas zgjedhjeve në Kosovë në qershor 2017, Haradinaj u zgjodh dhe u emërua kryeministër i Kosovës në shtator 2017 si udhëheqës i koalicionit PANA (PDK-AAK-Nisma-AKR), i cili koalicion gjithashtu përfshin pakicat etnike të Kosovës.

Vjosa Shkodra është e angazhuar në Programi për të Drejta Pronësore në USAID, që mbështetë të drejtat pronësore në Kosovë, forcimin e sundimit të ligjit, dhe rritjen e zhvillimit ekonomik dhe investimeve. Shkodra është anëtare e Odës së Avokatëve të Kosovës dhe anëtare e Odës Ekonomike të Kosovës si gjykatëse arbitrare. Znj.Shkodra ka përvojë të gjërë si avokate. Në eksperiencat e më herëshme Vjosa Shkodra ka punuar në Ambasadën Britanike në Kosovë për 4 vite, si menaxhere e projektëve dhe si këshillëtare ligjore në sundimin e ligjit, qeverisjes së mirë, kundër korrupsionit, të drejtave të njeriut, të drejtën biznisore etj. Shkodra gjithashtu ka punuar për Departamentin Ameikan të Shtetit në fushën e të drejtave të njeriut dhe trafikimit të njerzëve dhe konfiskimin e pasurisë në të drejtën penale. Në vitin 2002, ajo ka punuar si Avokate staf, ne Odën e Avokatëve të Amerikës/Iniciativa e sundimit të ligjit, duke kontribuar në forcimin e profesionit ligjorë, gjyqtarë dhe prokurorial në Kosovë.

Alexander Chavarria është drejtor rezident i Institutit Kombëtar Demokratik në Kosovë. Më parë ka shërbyer si drejtor rezident në Liberi si dhe drejtor i programit pjesëmarrja e qytetarëve në Kuvendin Legjislativë në El Salvador. Ai ka shërbyer si këshilltar ndërkomëtar në çështjet demokracisë dhe qeverisjes për IADB, Programin Ndërkombëtar për Buxhet, Parlamentarët për Grupin e Habitatit dhe OAS. Z. Chavarria është bashkë themelues , ka asistuar dhe më vonë ka shërbyer si këshilltarë për Programin e Zvillimit Legjislativ ( PRODEL) për Kuvendin Legjislativë të Kosta Rikës. Ai gjithashtu ka shërbyer si këshilltar ndërkombëtar në programin për legjislacion të modernizuar në Guatemala dhe këshilltar legjislativë në Dhomën e Përfaqësuesve në Legjislaturën e Teksasit. Z. Chavarria ka shërbyer dhe si vëzhgues ndërkombëtar për OAS gjatë vitit 2004 në zgjedhjet presidenciale ne El Slavador. I lindur në Kosta Rika, Z. Chavarria mbanë një Diplomë Master në Administrim i Biznesit nga Pontificia Universidad Católica de Chile , një Diplomë Master në Shkencat Politike nga Texas State University , dhe është i diplomuar nga programi “licenciatura” në Universitetin e Kosta Rikës, Shkolla për Shkenca Politike.

Besa Gaxherri është aktualisht deputete në Kuvendin e Kosovës nga radhët e LDK-së. Pas luftës Gaxherri ishte asambleiste në Komunën e Pejës, ndërkaq si deputete në Kuvendin e Kosovës, ajo tani është në mandatin e pestë. Në mandatin aktual, Besa Gaxherri është nënkryetare e Komisionit për Buxhet dhe Financa. Ajo ka qenë koordinatore e disa projekteve të Këshillit për Mbrojtjen e të Drejtave e Lirive të Njeriut (KMDLNJ) dhe koordinatore e postës në regjionin e Pejës. Ndërkaq aktivitetin e saj politik Gaxherri e kishte filluar në vitet e 90-ta. Besa Gaxherri ka të përfunduar Fakultetin Ekonomik.

Blerta Thaçi është Menaxhere e Projektit në Open Data Kosovo dhe themeluese i Girls Coding Kosova (GCK). Fokusi i saj kryesor është kontrubuimi për në çështje që i shërbejnë shoqërisë dhe ndërtimi i kapaciteteve për të rinjtë në industrinë e teknologjisë. Si pjesë e aktiviteteve të GCK ajo vazhdimisht punon për të sjellur ngjarje për të rinjtë entuziastë të Kosovës për t'i inkurajuar ata që të kodojnë, të fillojnë kompanitë e tyre dhe të punojnë si zhvillues në startup-et e tjera në vend. Më parë ajo ka punuar si zhvilluese e Android në Zombe Soup, një kompani shumë kreative në Prishtinë. Ajo ka studiuar Inxhinieri Elektrike dhe Kompjuterike në Universitetin e Prishtinës. Ajo u nderua me Çmimin e Filantropisë FIDES në vitin 2016 dhe Çmimin e Grave në TIK për vitin 2017. Gjithashtu ajo është pjesë e komuniteteve të ndryshme të teknologjisë vendore dhe ndërkombëtare.

Daniel Maksymiuk është ambasador i Kanadasë në Kosovë. Ai i është bashkuar Departamentit të Punëve të Jashtme dhe Tregtisë Internacionale në vitin 2002. Në vitin 2004 ai ka qenë përfaqësues i Kanadasë në Bagdad, Irak duke avancuar interesat kandeze me autoritetet e koalicionit dhe më pas me qeverinë e re të Irakut. Në vitin 2005, ai u emërua si zyrtar politik në Damask, duke u kthyer në Kanada në vitin 2008. Më pas, ai u bë pjesë e një task force të departamentit për sigurinë e misioneve të jashtme të Kanadasë dhe më vonë ka shkuar me detyra të përkohshme në Afganistan dhe Mali. Ai shërbeu në Ambasadën e Kanadasë në Teheran, duke qenë përgjegjës për çështjet politike, të sigurisë dhe ekonomike, nga viti 2009 deri në mbylljen e misionit në vitin 2012. Pas kësaj ai u kthye në Kanada si zëvendës drejtor përgjegjës për Iranin dhe Irakun. Maksymiuk u bë këshilltar i lartë i Ministrit të Punëve të Jashtme në vitin 2013 dhe u emërua ambasador në Kroaci dhe Kosovë në gusht të vitit 2015. Ai ka përfunduar Bachelor në Universitetin e Saskatchewan dhe Master dhe MPhil në Universitetin e Kolumbias.

Driton Selmanaj

Jasmina Zivkovic

Lisa Mango

Mexhide Mjaku Topalli është kryetare e sapozgjedhur e Grupit Joformal te Grave Deputete. Topalli është deputete e Kuvendit të Republikës së Kosovës nga rradhët e PDK-së, duke shërbyer në mandatin e saj të dytë. Ajo është anëtare e Komisionit për të Drejtat e Njeriut, Barazi Gjinore, për Persona të Pagjetur dhe Peticione. Më herët Mjeku-Topalli ka qenë mësimdhënëse dhe drejtoreshë në shkolla fillore dhe të mesme në Ferizaj. Ajo mban titullin magjistre në psikologji arsimore.