Folësit

Pranvera Lipovica

Pranvera Lipovica - Menaxhere e Programit në Institutin Kombëtar Demokratik Pranvera Lipovica është Menaxhere e Programit në Institutin Kombëtar Demokratik (NDI). Ajo iu bashkua NDI në vitin 2006, dhe për më shumë se 10 vite ka qenë pjesë e programit të zhvillimit të partive politike në NDI. Ajo është kryesisht përgjegjëse për hartimin dhe zbatimin e programeve që synojnë fuqizimin e grave dhe të rinjve si dhe promovimin e pjesëmarrjes së tyre në politikë. Pranvera ka dhënë kontribut të rëndësishëm në konceptimin dhe organizimin e 'Javës së Gruas', që është një nga projektet më të mëdha të NDI i cili bën bashkë gra dhe burra lider të së ardhmes nga të gjitha segmentet e shoqërisë për të marrë pjesë për një javë në aktivitete që synojnë të zhvillojnë aftësitë politike dhe mundësojnë rrjetëzim. Pranvera ka studiuar Politika Publike dhe Menaxhment në Universitetin e York në Angli. Gjatë karrierës së saj në NDI ka marrë pjesë në konferenca të shumta akademike dhe profesionale si dhe programe të zhvillimit, duke përfshirë Shkollën ‘Fushata e Grave’ në Yale University. Në zgjedhjet e fundit presidenciale të SHBA ajo ka shërbyer si vullnetare për ekipin e fushatës së Partisë Demokratike në Pensilvani.

Philip Kosnett

Philip Kosnett - Ambasador i Shteteve të Bashkuara të Amerikës në Republikën e Kosovës Philip S. Kosnett u nominua nga Presidenti Trump në korrik të vitit 2018 dhe u konfirmua nga Senati në shtator për të shërbyer si ambasadori i pestë në Republikën e Kosovës. Ai e dha betimin si ambasador më 27 nëntor 2018 në Uashington dhe ia dorëzoi letrat kredenciale Presidentit Hashim Thaçi më 3 dhjetor. Detyra më e fundit e Ambasadorit Kosnett ishte fillimisht si zëvendës-shef i misionit dhe pastaj I Ngarkuar me punë ad interim në Ankara, Turqi, prej vitit 2016-2018. Pjesa më e madhe e karrierës së Ambasadorit Kosnett është përqendruar në bashkëpunim ndërkombëtar për siguri dhe pajtim politik. Ai ka shërbyer si Zëvendës-shef i Misionit në Uzbekistan dhe në Islandë; si dhe në pozita të zyrtarit politik, politik-ushtarak dhe ekonomik-komercial në Afganistan, Irak, Kosovë, Holandë, Japoni dhe Turqi. Pozitat në Uashington përfshijnë shërbim në byronë e Departamentit të Shtetit për çështje evropiane, në byronë kundër terrorizmit, byronë politike-ushtarake, byronë për inteligjencë dhe hulumtime, si dhe në Qendrën Operative 24-orësh të Departamentit të Shtetit. Ambasadori Kosnett ka marrë shumë çmime të larta të nderit dhe çmime të merituara të nderit nga Departamenti i Shtetit, si dhe është nderuar me Medaljen për shërbim të jashtëzakonshëm civil nga Zyra e Sekretarit të Mbrojtjes dhe me Medaljen për shërbim të jashtëzakonshëm civil nga Departamenti i Armatës. Ambasadori Kosnett ka diplomuar në vitin 1982 në Harvard dhe ka punuar si dizajnues i lojrave në Nju Jork dhe si mësimdhënës në Japoni para se t’i bashkohej Shërbimit për Punë të Jashtme.

Ramush Haradinaj

Ramush Haradinaj – Kryeministër i Kosovës Ramush Haradinaj - është Kryeministër i Kosovës, i zgjedhur në shtator të vitit 2017 pas zgjedhjeve parlamentare të mbajtura në qershor 2017. I lindur në Kosovën perëndimore më 1968, Haradinaj përfundoi shërbimin ushtarak në Ushtrinë Jugosllave. Pas konfliktit, Haradinaj studioi në Fakultetin Juridik në Universitetin e Prishtinës dhe e bëri publike hyrjen e tij në në politikë duke themeluar Aleancën për Ardhmërinë e Kosovës (AAK) më 29 prill 2000. Atë kohë, Haradinaj ka shënuar një sukses zgjedhor duke u zgjedhur si kryeministër. Por shpejt pas këtyre zgjedhjeve, Haradinaj ka dhënë dorëheqjen pasi u thirr nga Tribunali Ndërkombëtar Penal i ish-Jugosllavisë (ICTY) që të gjykohet për akuzat e krimeve të luftës të cilat u dorëzuan nga Serbia. Më 3 prill 2008 ai u lirua nga të gjitha akuzat. Në vitin 2010, pas një apeli nga prokuroria, ai është rikthyer në Hagë për rigjykim të pjesshëm dhe më 29 nëntor 2012 ai u lirua përsëri nga të gjitha të gjitha akuzat. Pas zgjedhjeve në Kosovë në qershor 2017, Haradinaj u zgjodh dhe u emërua Kryeministër i Kosovës në shtator 2017 si udhëheqës i koalicionit PANA (PDK-AAK-Nisma-AKR).

Donikë Dobruna

Donikë Dobruna – Gjyqtare Donikë Dobruna ka punuar si avokate në Prishtinë. Pas përfundimit të studimeve në juridik, ajo ka udhëhequr avokaturën e saj nga 2014 deri në 2018. Donika po ashtu ka punuar si asistente në Fakultetin Juridik në Kolegjin Iliria. Së fundi ajo është emrëuar gjyqtare në Gjykatën Themelore në Prishtinë dhe ëshë ndër gratë më të reja që janë emëruar në këtë pozitë në Kosovë.

Xhevahire Izmaku

Xhevahire Izmaku – Deputete e Kuvendit të Kosovës/Anëtare e Komisionit për Administratë Publike, Qeverisje Lokale dhe Media Xhevahire Izmaku është nga Vushtrria dhe është Deputete në Kuvendin e Kosovës nga radhët e PDK-së. Ajo është anëtare e Komisionit për Administratë Publike, Qeverisje Lokale dhe Media. Në të kaluarën, ajo ka shërbyer si nënkryetare e Vushtrrisë. Për më tepër, ajo është ligjëruese në fushën e qeverisjes lokale në universitet.

Mahir Yagcilar

Mahir Yagcilar – Ministër i Administratës Publike Mahir Yagcilar është i lindur në Prizren Ai ka diplomuar në Universitetin e Sarajevës në fushën e inxhinierisë së komunikacionit rrugor. Që nga viti 2000, ai është Kryetar i Partisë Demokratike Turke të Kosovës (KDTP). Ai është zgjedhur Anëtar i Këshillit Tranzitor të Kosovës për periudhën 2000-2001, më pas Kryetar i Grupit Parlamentar 6+ në Kuvendin e Kosovës, Anëtar i Komisionit për Rregulloren e Punës së Kuvendit si dhe Anëtar i Komisionit Kushtetues të Republikës së Kosovës. Për pesë mandate me radhë është zgjedhur Deputet në Kuvendin e Kosovës në zgjedhjet nacionale gjatë viteve 2001-2014. Në vitin 2007 është emëruar Ministër në Ministrinë e Mjedisit dhe Planifikimit Hapësinor, më pas në 2011 është emëruar Ministër i Administratës Publike për t’u ri-emëruar përsëri Ministër i Administratës Publike në dhjetor 2014.

Besnik Tahiri

Besnik Tahiri - Koordinator Nacional për Reforma Shtetërore Besnik Tahiri u lind në Prishtinë. Ai është Magjistër i Shkencave të Qeverisjes Lokale dhe Zhvillimit Ndërkombëtar. Studimet post-diplomike i ka përfunduar me performancë të lartë në Angli, në Universitetin e Birmingham-it. Ka diplomuar në Programin Akademik për zyrtarë të lartë të ofruar nga OSBE. Është përfitues i bursës prestigjioze “Chevening”, që jepet për lider të ardhshëm nga Ministria e Punëve të Jashtme e Britanisë së Madhe (2004). Tahiri është themelues i Institutit Kosovar për Qeverisje Lokale. Në të kaluarën ka qenë këshilltar i lartë për pushtet lokal i Kryetarit Haradinaj dhe anëtar i Kryesisë së AAK-së. Aktualisht, Besnik Tahiri është Koordinator Nacional për Reforma Shtetërore.

Rozafa Ukimeraj

Rozafa Ukimeraj-Çuni - Sekretare e Përgjithshme në Ministrinë e Administrimit të Pushtetit Lokal Rozafa Ukimeraj-Çuni u lind në Prizren. Ajo vijoi studimet për drejtësi dhe adminsitratë publike. Mban titullin Master në Administratë Publike dhe studimet postdiplomike i vijoi në fushën e administrimit publik dhe marrëdhënie ndërkombëtare në Shtetet e Bashkuara të Amerikës. Karrierën profesionale e filloi në sektorin privat bankar, ndërkohë që ka mbi 13 vjet përvojë pune në administratë publike. Për një periudhë pesë vjeçare, ka mbajtur pozitën e Drejtoreshës së Departamentit për Vetëqeverisje Lokale, ndërkaq nga viti 2013, ka Udhëhequr Departamentin për Integrim Evropian dhe Koordinim të Politikave, në kuadër të Ministrisë së Administrimit të Pushtetit Lokal. Në 2016, znj Rozafa Ukimeraj është emëruar Sekretare e Përgjithshme në Ministrinë e Administrimit të Pushtetit Lokal.

Adrijana Hodžić

Adrijana Hodžić – Shefe Ekzekutive e Administratës në Komunën e Mitrovicës Veriore Adrijana Hodžić u lind në Mitrovicë. Ajo aktualisht është Shefe Ekzekutive e Administratës në Komunën e Mitrovicës Veriore. Adrijana ka eksperiencë të gjerë në udhëheqjen e shumë çështjeve publike me rëndësi menjëherë pas luftës në 1999, ku ka punuar si menaxhere rajonale në sektorin e shoqërisë civile. Ajo ka menaxhuar projekte në të gjitha zonat me shumicë serbe në Kosovën veriore. Pas emërimit si Shefe Ekzekutive e Administratës në Komunën e Mitrovicës Veriore, Adrijana me sukses ka menaxhuar projekte infrastrukturore që kanë pasur për qëllim të përmirësojnë cilësinë e jetës së qytetarëve. Në vitin 2013, Adrijana ka kandiduar për pozitën e Kryetarës së Komunës gjatë zgjedhjeve lokale.

Taulant Hoxha

Taulant Hoxha – Drejtor Ekzekutiv i Fondacionit Kosovar për Shoqëri Civile Taulant Hoxha është aktivist i shoqërisë civile për më shumë se një dekadë, më së shumti i angazhuar në fushat e zhvillimit të shoqërisë civile, pjesëmarrjes së shoqërisë civile në proceset e bërjes së politikave, dhe në krjimin e një raporti të shëndoshë në mes të shoqërisë civile dhe institucioneve qeverisëse. Hoxha po ashtu ka punuar rreth financimin publik të shoqërisë civile dhe rregullimit të kornizës ligjore. Ai ka eksperiencë të gjerë në hulutim, avokim, hartim të politikave dhe ligjeve, si dhe në menaxhimin e projekteve dhe resurseve njerëzore në sektorin jo-publik.

Sebahate Sebahate Ajeti-Sadiku

Sebahate Ajeti-Sadiku - Drejtore e Financave në Komunën e Ferizajt Sebahate Ajeti-Sadiku është drejtore në Drejtorinë e Financave në Komunën e Ferizajt. Ajo i ka përfunduar studimet në banka, financa dhe kontabilitet në Kolegjin Iliria dhe është duke vazhduar studimet master po ashtu në këtë drejtim në Kolegjin Iliria. Përvojën e saj në fushën financiare dhe menaxheriale e filloi në bankën NLB Prishtina, ku ka punuar si Zyrëtare për Marrëdhënie me Publikun nga viti 2008-2010 dhe si Zyrëtare e Portofolios Financiare të Klientit prej vitit 2010-2015.

Jetush Rrafshi

Jetush Rrafshi - Zyrtar i Lartë Financiar në Komunën e Shtimes Jetush Rrafshi është Zyrtar i Lartë Financiar në Komunën e Shtimes. Studimet universitare i përfundoi në Fakultetin Ekonomik, në Universitetin e Prishtinës - drejtimi Banka dhe Financa. Ai është auditor i certifikuar nga Programi Kombëtar për Certifikim të Auditorve të Brendshëm në kuadër të Ministrisë së Financave, si dhe është në përfundim të programit për Kontabilist të Certifikuar në ShKÇAK. Rrafshi është trajner i Institutit të Kosovës për Administratë Publike (IKAP) për procedurat administrative në çështje tatimore, doganore të sistemit tatimor në Kosovë dhe ka qenë i angazhuar si konsulent fianciar për biznese lokale.

Arbënesha Kuqi

Arbënesha Kuqi - Nënkryetare e Gruas Demokratike të Kosovës/Pjesëmarrëse e Javës së Gruas (Gjenerata 2018) Arbënesha Kuqi është nga Komuna e Gjakovës. Ajo ka përfunduar studimet e magjistraturës në fushën e ekonomisë dhe aktualisht punon si Koordinatore në Byronë Kosovare të Sigurimit. Arbënesha është Kryetare e Gruas Demokratike në Gjakovë dhe Nënkryetare e Gruas Demokratike në nivel qendror. Ajo ka qenë pjesëmarrëse e Javës së Gruas në vitin 2018.

Albulena Nrecaj

Albulena Nrecaj - Drejtore Ekzekutive e Iniciativës për Progres Albulena Nrecaj ka eksperiencë 8 vjeçare në qeverisje lokale dhe ekspertiza e saj fokusohet në prokurimin publik, hartimin e buxheteve komunale dhe mbikëqyrjen e shpenzimit të parasë publike. Ajo është pjesë e INPO-së që nga viti 2009 duke menaxhuar projekte të ndryshme në qeverisje lokale dhe sundim të ligjit. Prapavija e saj akademike është juridiku dhe sociologjia. Albulena është vazhdimisht e angazhuar edhe në mbajtjen e trajnimeve për prokurimin publik për organizata të shoqërisë civile.

Kadri Veseli

Kadri Veseli - Kryetar i Kuvendit të Kosovës Kadri Veseli është Kryetar i Kuvendit të Republikës së Kosovës i cili u zgjodh për herë të dytë radhazi më 7 Shtator 2017 dhe është Kryetar i Partisë Demokratike të Kosovës (PDK) që nga maji i vitit 2016. Para zgjedhjes së tij si Nënkryetar i PDK-së, në janar të vitit 2013, Veseli për pothuajse një dekadë, në bashkëpunim me bashkësinë ndërkombëtare, kontribuoi në fushën e sigurisë, ndërtimit të paqes dhe stabilitetit në Kosovën e pasluftës. Ai gjithashtu ishte një nga figurat kryesore të Ushtrisë Çlirimtare të Kosovës dhe në të njëjtën kohë ka mbështetur në mënyrë aktive procesin e paqes në Rambuje. Në këtë proces, Veseli ka shërbyer si këshilltar i jashtëm në Delegacionin e Kosovës. Ai ishte një nga udhëheqësit e rinj të lëvizjeve studentore gjatë viteve 1988 - 1990, kundër shkeljes së të drejtave të njeriut të shqiptarëve në Kosovë dhe për njohjen e të drejtës për pavarësi. Kadri Veseli aktualisht është kandidat për doktoraturë në Universitetin e Lublanës, në Slloveni.

Mimoza Kusari-Lila

Mimoza Kusari-Lila - Deputete e Kuvendit të Kosovës/Kryesuese e Grupit Parlamentar të Miqësisë Kosovë-Kanadë Mimoza Kusari-Lila është kryetare e Partisë Alternativa dhe deputete në Kuvendin e Republikës së Kosovës. Ajo ka shërbyer si Zëvendëskryeministre e Republikës së Kosovës dhe Ministre e Tregtisë dhe Industrisë nga 2011-2013 dhe ka qenë Kryetare e Komunës së Gjakovës nga nëntori 2013 deri në vitin 2017. Në vitet 1998-1999, kur shpërtheu konflikti në Kosovë, ajo punoi për organizata të ndryshme si “Mjekët pa Kufij” dhe Organizatën për Siguri dhe Bashkëpunim në Evropë (OSBE). Mimoza Kusari hyri në politikë vitin 2003 kur morri pozitën e zëdhënëses dhe këshilltares politike të kryeministrit të atëhershëm të Kosovës, Bajram Rexhepi. Ajo ishte fytyra dhe zëri i qeverisë së Kosovës për më shumë se një vit në një kohë kur Kosova përjetoj trazirat e marsit 2004. Ajo u bë gruaja e parë që morri postin e kryetares së një komune në historinë e Kosovës. Kusari-Lila ka përfunduar MBA nga Universiteti Duqense, në Pitsburg të Pensilvanisë. Kusari-Lila ka studiuar përmes bursës “Ron Broën Scholarship Program”.

Borys Wrzesnewskyj

Borys Wrzesnewskyj - Deputet në Dhomën e Përfaqësuesve të Kanadasë Borys Wrzesnewskyj është deputet nga zona elektorale Etobicoke Centre. Borys është anëtar i Komisionit për Punë të Jashtme dhe Zhvillim Ndërkombëtar, si dhe anëtar i Nënkomisionit për Agjendë dhe Procedura. Po ashtu, Borys është themelues dhe Kryesues aktual i Grupit Parlamentar të Miqësisë Kanadë-Ukrainë. Ai ka përfunduar studimet universitare në fushën e tregtisë në Kolegjin Trinity në Universitetin e Torontos në 1983 dhe pastaj është fokusuar në në fushën e asistencës humanitare dhe zhvillimit të demokracisë, ku ka ndihmuar në organizimin dhe financimin e Lëvizjes Qytetarë në Ukrainë “Rukh” në fund të viteve 1980 dhe ka mbështetur referendumin për pavarësi të Ukrainës në 1991.

Ibadete Guri

Ibadete Guri - Këshilltare për prokurim në Agjencinë Amerikane për Zhvillim Ndërkombëtar, Komuna Transparente, Efektive dhe Llogaridhënëse Ibadete Guri aktualisht është Këshilltare për prokurim në Agjencinë Amerikane për Zhvillim Ndërkombëtar, Komuna Transparente, Efektive dhe Llogaridhënëse. Ibadete është eksperte e prokurimit që ofron mbështetje për zyrtarët e prokurimit dhe menaxherët e të gjitha komunave të Kosovës. Para se t’i bashkohej USAID-it, ajo për 3 vite ka qenë si Udhëheqëse e Seksionit për Autoritetin Kontraktues në Agjencinë Qendrore të Prokurimit. Ajo gjithashtu ka mbajtur pozitën e Udhëheqëses së Divizionit për Prokurim të Posaçëm dhe Udhëheqëse e Divizionit të Prokurimeve të Centralizuara dhe Projekte Speciale. Para se të merrte rolin drejtues në Agjencinë Qendrore të Prokurimit, ajo shërbeu si Zyrtare e Prokurimit për tre vjet. Ibadete ka përfunduar masterin në Universitetin e Tetovës, Fakulteti i Ekonomisë. Studimet universitare i ka përfunduar në Universitetin e Prishtinës 'Hasan Prishtina' në Fakultetin e Ekonomisë. Ibadete gjithashtu është certifikuar në Prokurimin Profesional dhe ka marrë pjesë aktivisht në punëtoritë e organizuara nga agjencitë qendrore në fushën e prokurimit publik.

Mexhide Demolli-Nimani

Mexhide Demolli - Drejtore e Levizjes FOL Mexhide Demolli-Nimani eshte Drejtore Ekzekutive e Levizjes FOL dhe nje nga bashke-themeluesit e saj. Per nje kohe te gjate ajo ka qene koordinatore e zyres se medias dhe gjithashtu menaxhere e shume projekteve ne FOL. Per shume vite ka qene e angazhuar ne promovimin e transparences dhe llogaridhenies se institucioneve publike. Ajo ka hartuar dhe koordinuar fushata ndergjegjesimi per qytetaret lidhur me Ligjin per Qasje ne Dokumente Publike ne te gjitha komunat e Kosoves. Gjithashtu eshte angazhuar per promovimin e dialogut midis qytetareve dhe institucioneve te drejtesise per vite, duke projektuar fushata komunikimi neper komuna ndermjet grupeve te qytetareve dhe institucioneve te drejtesise. Para punes ne Levizjen FOL, ajo punoi gazetare per kater vite. Mexhidja ka perfunduar Fakultetin e Gazetarise dhe Fakultetin Letersi dhe Gjuhe Shqipe ne Universitetin e Prishtines 'Hasan Prishtina'.

Gresa Smolica

Gresa Smolica - Koordinatore e Projektit ne Levizjen FOL Gresa Smolica eshte Koordinatore e Projektit ne Levizjen FOL. Qe nga 2016, Gresa eshte e angazhuar ne Levizjen FOL, fillimisht si Zyrtare e Projektit/Hulumtuese dhe pastaj si Koordinaotre. Ajo ka qene e perfshire ne programin kunder korrupcionit, ne mes te programeve te tjera per prokurimin publik dhe gjyqesorin. Gresa mbane diplome Bachelor ne Shkenca Politike nga Fakulteti Filozofik i Universitetit te Prishtines.

Afërdita Morina-Biffar

Afërdita Morina-Biffar - Anëtare e Kryesisë së degës së LDK-së në Prizren/pjesëmarrëse e Javës së Gruas (Gjenerata 2017) Afërdita Morina-Biffar është nga Komuna e Prizrenit. Me profesion është politologe. Morina-Biffar është e angazhuar kryesisht si aktiviste politike dhe gazetare. Ajo është anëtare e Kryesisë së LDK në Prizren. Morina Biffar ka qenë pjesëmarrëse e Javës së Gruas në vitin 2017.

Alison Kosnett

Alison Kosnett - Konsulente për Zhvillim dhe Biznes Ndërkombëtar Alison Kosnett ka më shumë se 20 vite përvojë në zhvillim, diplomaci dhe në partneritetet civile-ushtarake, duke përfshirë menaxhimin e iniciativave të ndryshme të Bankës Botërore, Departamentit të Shtetit Amerikan USAID-it për mbështetje të qeverisjes dhe zhvillimit ekonomik në Evropën Lindore, Lindjen e Mesme, dhe Azinë Jugore dhe Qendrore. Kosnett ka katër vjet përvojë në terren në Irak dhe Afganistan, ku ajo ishte e angazhuar në zhvillim dhe diplomaci në nivel të provincave dhe distrikteve. Kosnett ka demonstruar aftësinë e saj për tu përshtatur konteksteve lokale dhe kulturore në mënyrë që të nxit fuqizimin lokal dhe zhvillimin tutje të shkathtësive të stafit vendor.

Tringa Kasemi

Tringa Kasemi - Pjesëmarrëse e Javës së Gruas (Gjenerata 2017) Tringa Kasemi është aktiviste e shoqërise civile në Prizren, duke ushtruar aktivitet në organizata të ndryshme të shoqërise civile, me theks të veçantë në të drejtat e grave dhe të grupeve të margjinalizuara. Gjithashtu është edhe bashkë-inicuese e grupit joformal të grave dhe vajzave në Komunën e Prizrenit, Femaktiv, përmes së cilit synohet ndryshimi i mendësisë patriarkale në sferën publike të Komunës së Prizrenit. Ajo ka përfunduar studimet në Fakultetin Juridik të Universitetit të Prishtinës.

Dhurata Hoxha

Dhurata Hoxha - Ministre e Integrimit Evropian Dhurata Hoxha është emëruar Ministre e Integrimit Evropian në shtator të vitit 2017, pozitë që është pasuar nga pozita që kishte si Ministre e Drejtësisë nga korriku i vitit 2016. Para se të emërohej Ministre, znj. Hoxha ishte Këshilltare Politike e Kryetarit të Kuvendit të Republikës së Kosovës, z. Kadri Veseli, ku përgjegjësitë e saj mbulonin politikat e sigurisë dhe sundimit të ligjit. Gjithashtu, ka qenë Këshilltare e Kryeministrit të Republikës së Kosovës, z.Hashim Thaçi, në të cilën pozitë ka qenë e emëruar që nga marsi 2011 deri në dhjetor 2015. Ajo gjithashtu ka udhëhequr procesin e Rishikimit Strategjik të Sektorit të Sigurisë dhe ka koordinuar procesin me institucionet përkatëse. Dhurata që nga viti 1999, ka punuar edhe në Zyrën Amerikane (tani Ambasada e SHBA) në Prishtinë në seksionin politik. Ka punuar edhe në Ambasadën Britanike si Menaxhere e projekeve, si dhe në OSBE dhe UNDP. Në vitin 2008, ka përfunduar studimet master në Georgetoën University në ëashington DC, në departamentin e Studimeve të Sigurisë, me koncentrim në sigurinë ndërkombëtare.

Atifete Jahjaga

Atifete Jahjaga - Presidente e Kosovës (2011-2016) Atifete Jahjaga është presidentja e parë grua e Republikës së Kosovës, e zgjedhur nga Parlamenti i Kosovës më 07 prill 2011. Ajo është Presidente e Fondacionit Jahjaga. Ajo është po ashtu edhe Presidentja e parë grua në historinë moderne të Ballkanit. Ajo ka filluar karrierën e saj si zyrtare e Policisë së Kosovës që nga themelimi në vitin 2000, ku fillimisht ka qenë zyrtare policore dhe më pas është avancuar duke u bërë Gjeneral Majore dhe duke shërbyer si drejtore në detyrë fillimisht në nivel rajonal e pastaj edhe në drejtorinë qendrore. Presidentja Jahjaga është anëtare e Këshillit të Grave Lidere Botërore (CëëL). Ajo ka përfunduar studimet në fakultetin juridik të Universitetit të Prishtinës në vitin 2000 dhe ka përfunduar programe pasuniversitare për Menaxhment Policor dhe Ligj Penal në universitetin e Leicester-it në Mbretërinë e Bashkuar. Po ashtu ka ndjekur programin pasuniversitar për Shkencën mbi Krimin, në Universitetin e Virginia-s në Shtetet e Bashkuara.

Christina Davis

Christina Davis - Drejtore e Zyres per Demokraci dhe Qeverisje ne Agjencine Amerikane per Zhvillim Nderkombetar (USAID) Christina Davis perfundoi studimet ne Smith College ne Massachusetts, ku mori diplomen bachelor. Ajo ka perfunduar masterin ne ekonomi ne Western Illinois University. Para se ti bashkohej USAID-it, Christina ka punuar si teknologe e veterinarise, menaxhere e programeve per studim jashte vendit, agjente e bujqesise dhe mesuese. Pervec kesaj, ajo ka punuar si menaxhere e komunitetit dhe zhvillimit ekonomik, ku ka realizuar programe strategjike per vizionin e qyteteve te vogla ne Ilinois. Ajo gjithashtu punoi ne fushen e planifikimit urban dhe ne draftimin e planeve gjitheperfshirese per perdorim te tokes. Ajo sherbeu si vullnetare e Peace Corps ne Zambia. Ju bashkua USAID-it ne 2008 dhe ka sherbyer ne Xhamajka, Afganistan dhe Kolumbi para se te vinte ne Kosove. Aktualisht eshte Drejtore e Zyres per Demokraci dhe Qeverisje.

Arbesa Neziri

Arbesa Neziri - Pjesëmarrëse e Javës së Gruas (Gjenerata 2018) Arbesa Neziri është nga Komuna e Rahovecit. Ajo aktualisht është duke përfunduar studimet e magjistraturës në juridik. Arbesa ka punuar si asistente në Ministrinë e Punëve të Jashtme dhe tani punon si Udhëheqëse e Departamentit të Prokurimit në një kompani private. Ajo ka qenë pjesëmarrëse e Javës së Gruas në vitin 2018.

Fatmire Mulhaxha

Fatmire Mulhaxha-Kollçaku - Deputete e Kuvendit të Kosovës Fatmire Mulhaxha-Kollçaku ka kryer Fakultetin e Mjekësisë dhe Specializimin në lëminë e Epidemiologjisë. Ka vijuar studimet postdiplomike për Menaxhment Shëndetësor, në kuadër të projektit të Agjensionit Europian në partneritet me Universitetin e Prishtinës. Karrierën si mjeke e ka filluar në organizatën “Nënë Terezë”. Ajo ka përfunduar edhe “Regional summer School on Social Security 2006 Hope Fellowship program/Washington Leadership Study Tour 2007.″ Kollçaku ka qenë deputete në Kuvend të Kosovës gjatë legjistlaturës 2004-2007. Aty ka udhëhequr Komisionin Parlamentar për Shëndetësi, Punë dhe Mirëqenie Sociale. Bazuar në përformancën dhe angazhimin e treguar ka marrë mirënjohje nga KDI/Instituti Demokratik i Kosovës, si deputetja më e zëshme në vitin 2007. Aktualisht punon në Institutin Kombëtar të Shëndetësisë Publike – dega Pejë.

Qëndron Kastrati

Qëndron Kastrati - Kryetar i Komunës së Kamenicës Qëndron Kastrati është Kryetari i Komunës së Kamenicës dhe Nënkryetar i Partisë Socialdemokrate (PSD). Në periudhën 2007–2008 ai ka punuar në Korporatën Energjetike të Kosovës. Gjatë viteve 2010-2013 ka punuar si inxhinier i rrjeteve telekomunikuese në kompaninë “3CIS J.S.C.” Në vitin 2013 është zgjedhur anëtar në Kuvendin Komunal të Prishtinës, dhe ka drejtuar Grupin e Asambleistëve të Lëvizjes Vetëvendosje. Ai është zgjedhur deputet i Kuvendit të Kosovës ne zgjedhjet e qendrore në qeshor 2017 por pas zgjedhjes si Kryetar Komune në Kamenicë, ai u tërhoq nga posti i deputetit. Kastrati aktualisht është absolvent në Fakultetin e Inxhinierisë Elektrike dhe Kompjuterike në Universitetin e Prishtinës.

Jovana Radosavljević

Jovana Radosavljević - Drejtore Ekzekutive në Iniciativën e Re Shoqërore Jovana Radosavljević është Drejtore Ekzekutive në Iniciativën e Re Shoqërore. Ajo ka përvojë në monitorimin e zgjedhjeve në Kosovë dhe mbështetjes së jashtme të fushatave paqësore në Serbi. Më parë ka punuar në OJQ-në 'Building Bridges Shift' Gjithashtu ka qenë gazetare dhe prezantuese në RTV Mir. Radosavljevic është bursiste e programit TLP dhe ka përfunduar studimet Master në Studime Ndërkombëtare në Universitetin e Denverit, me specializim në zgjidhjen e konfliktit dhe zhvillimit ndërkombëtar.

Ganimete Aliu

Ganimete Aliu - Zyrtare për Barazi Gjinore në Komunën e Obiliqit Ganimete Aliu është Zyrtare për Barazi Gjinore në Komunën e Obiliqit. Ajo po ashtu është Kryetare e Forumit të Gruas të degës së LDK-së në Obiliq. Ajo është certifikuar në trajnime të ndryshme që kanë të bëjnë me fuqizimin gjinor, teknikat e hartimit të legjislacionit etj. Më parë ajo ka qenë e angazhuar si Kryesuese e Zyrës së Informacionit në Komunën e Obiliqit. Ajo ka përfunduar studimet bachelor në Fakultetin e Edukimit dhe është duke vazhduar studimet master në Fakultetin Juridik, drejtimi Kushtetues Administrativ në Universitetin e Prishtinës.

Sanja Sovrlić

Sanja Sovrlić - Gazetare në portalin Bota Bardh e Zi/Pjesëmarrëse e Javës së Gruas (Gjenerata 2014) Sanja Sovrlić diplomoi nga Departmenti i Sociologjisë në Universitetin e Mitrovicës Veriore. Që nga viti 2011, ajo punon si gazetare, ku fokusi i saj është Marrëveshja e Brukselit dhe procesi i tranzicionit në Kosovë. Karrierën si gazetare e filloi në RTV Mir dhe më vonë filloi bashkëpunimin me media nga Kosova dhe rajoni. Aktualisht, ajo është redaktore në portalin “Bota Bardh e Zi” në gjuhën serbe.

Sonja Stamenkova

Sonja Stamenkova - Kryetare e Komunës Kamenica Maqedone, Republika e Maqedonisë Veriore Sonja Stamenkova është Kryetare e Komunës Kamenica Maqedone, Republika e Maqedonisë Veriore. Ajo ka përfunduar shkollën e mesme të mjekësisë 'Veljko Vlahovic' in Štip ku mori titullin infermiere. Ajo ka punuar si infermiere nga 1997 deri në vitin 2006 në Kamenicën Maqedone. Ajo studioi psikologjinë në Universitetin Ndërkombëtar Sllav (MSU) 'Gavrilo Romanovic Derzavin' në Sveti Nikola, ku ka diplomuar në psikologji. Nga viti 2006 deri në vitin 2017 ajo ka punuar si infermiere në institutin mjekësor 'Dr. Dragi Famili Medika' në Kamenicën Maqedone.

Ardian Gjini

Ardian Gjini - Kryetar i Komunës së Gjakovës Ardian Gjini është Kryetar i Komunës së Gjakovës dhe Nënkryetar i Aleancës për Ardhmërinë e Kosovës (AAK). Gjini ka shërbyer si deputet për dy mandate (2007-2014) dhe si Minisër i Mjedisit dhe Planifikimit Hapësinor. Ai ka përfunduar studimet në marrëdhënie ndërkombëtare dhe studime evropiane në Universitetin e Kent në Canterbury.

Xhafer Tahiri

Zize Blakaj

Zize Blakaj - Menaxhere e Prokurimit në Komunën e Istogut/Pjesëmarrëse e Javës së Gruas (Gjenerata 2012) Zize Blakaj u lind në Gurrakoc të Istogut, ku edhe përfundoi shkollën fillore dhe të mesme. Studimet universitare i përfundoi në Fakultetin Ekonomik në Universitetin e Prishtinës. Në vitin 2000, Blakaj filloi punën si Zyrtare për Financa në Drejtorinë e Arsimit dhe që nga 2004 ajo është Menaxhere e Prokurimit në Komunën e Istogut. Blakaj, ka qenë pjesëmarrëse e Javës së Gruas dhe Akademisë së Grave për Lidership në vitin 2012.

Ivan Nikolić

Ivan Nikolić - Drejtor Ekzekutiv i organizatës Komunikim për Zhvillim Shoqëror Ivan Nikolić u lind në Prishtinë. Ai ka diplomuar në Fakultetin e Shkencave Natyrore në Mitrovicë, drejtimi Informatikë. Në 2005, Nikolić filloi punën në CSDU si asistent administrativ, dhe eventualisht është përfshirë në zbatimin e programeve dhe projekteve të ndryshme në CSDU. Në 2008 ai është emëruar si menaxher i organizatës. Me vendim të bordit në vitin 2010, ai është emruar Drejtor Ekzekutiv i organizatës Komunikim për Zhvillim Shoqëror.

Njomza Arifi

Njomza Arifi - Menaxhere e Programit në Grupin për Studime Juridike dhe Politike Njomza Arifi është Menaxhere e Programit në Grupin për Studime Ligjore dhe Politike (GLPS). Ajo është direkt e angazhuar me institucionet në Kosovë, qeversjen lokale, organizatat e shoqerisë civile dhe donatorë si në Kosovë ashtu edhe në rajon. Me më shumë se 10 vite përvojë, Njomza ka qenë e angazhuar në menaxhment strategjik dhe implementim të projekteve të ndryshme për institucionet në Kosovë, organizatat ndërkombëtare dhe shoqërinë civile. Para se t’i bashkohej GLPS-së ajo ka qenë Menaxhere e Lartë e Projektit në kompaninë Management Development Associates (MDA), ku ka qenë e përfshirë në planifikim, menaxhim dhe monitorim të projekteve të financuara nga Zyra e Bashkimit Evropian në Kosovë, Programi i Kombeve të Bashkuara për Zhvillim (UNDP), USAID dhe donatorë tjerë në Kosovë. Njomza ka diplomë bachelor në Administrim Biznesi dhe Marketing në Universitetin South East European (SEE) në Maqedoni dhe aktualisht është duke vazhduar studimet master në Ndërmarrësi dhe Zhvillim Ekonomik Lokal në këtë universitet.

Mirlinda Ahmeti

Mirlinda Ahmeti - Këshilltare e Auditimit në Agjencinë Amerikane për Zhvillim Ndërkombëtar, Komuna Transparente, Efektive dhe Llogaridhënëse Mirlinda Ahmeti aktualisht është Këshilltare e Auditimit në Agjencinë Amerikane për Zhvillim Ndërkombëtar, Komuna Transparente, Efektive dhe Llogaridhënëse në Kosovë. Para se t’i bashkohej projektit të USAID-it, Ahmeti ishte Drejtore e Departamentit të Auditimit të Performancës në Zyrën Kombëtare të Auditimit të Kosovës (KNAO). Ajo gjithashtu ishte e angazhuar në hartimin e Doracakut të Auditimit të Performancës. Përveç kësaj, ajo ka zhvilluar programin për zhvillim të kapaciteteve në auditim të performancës dhe ka ofruar trajnime për stafin e KNAO. Para se t’i bashkohej KNAO, Mirlinda ka punuar në Institucionin Mikrofinanciar KEP, ka qenë Drejtore e Qendrës për Arsim Profesional 'FOLEA', dhe gjithashtu ka punuar në UNMIK Kosovë. Mirlinda ka diplomë bachelor në bankë, financa dhe kontabilitet nga Universiteti i Prishtinës 'Hasan Prishtina', Fakulteti i Ekonomisë dhe gjithashtu ka përfunduar masterin në këtë drejtim. Mirlinda është gjithashtu Auditore e Brendshme e Certifikuar për Sektorin Publik.

Erica van Lente

Erica van Lente - Kryetare e Komunës së Dalfsen, Mbretëria e Holandës Erica van Lente është kryetare e Komunës Dalfsen në Mbretërinë e Holandës. Para emërimit në këtë pozitë, ajo ka qenë Kryetare e Komunës së Bedum dhe Anëtare e Këshillit të Qytetit të Groningenit. Gjatë detyrës së fundit, ajo po ashtu ka qenë e angazhuar në sektorin e energjisë dhe telekomunikimit. Studimet e magjistraturës i ka përfunduar në Gjuhë Romane dhe Kulturë. Si një grua 39 vjeçare, ajo nuk është ndër kryetarët e zakontë të komunave në Holandë, pasi që 20 përqind e tyre janë gra dhe mosha e tyre mesatare është përafërsisht mbi 55 vjeç. Van Lente thekson që në qeverisjen lokale: “vendimet bëhen nga dhe për popullin, përmes kuvendit të komunës. Ju duhet të jeni të gatshëm dhe të aftë për të dëgjuar nevojat e qytetarëve dhe për të shpjeguar vendimet që janë marrë.”

Amra Zejneli Loxha

Amra Zejneli Loxha - Gazetare në RTK 2/Radio Evropa e Lirë Amra Zejneli-Loxha u lind në Mitrovicë. Studimet universitare i ka përfunduar në fushën e gazetarisë dhe studimeve evropiane në Universitetin e Floridas në SHBA. Me gazetari ka nisur të merret nga viti 2001. Punon në transmetuesin publik – Radio Televizionin e Kosovës – si redaktore përgjegjëse për programin e gjuhëve të komuniteteve, ndërkaq Radios Evropa e Lirë i është bashkuar në vitin 2010.

Agim Aliu

Agim Aliu - Kryetar i Komunës së Ferizajt Agim Aliu ështe Kryetar i Komunës së Ferizajt. Ai gjithashtu ka qenë Kryetar i Ferizajt nga viti 2012 deri në 2013. Aliu ka përfunduar studimet universitare në Fakultetin Juridik në Universitetin e Prishtinës dhe është duke vazhduar studimet e magjistraturës në këtë fushë. Ai është njëri ndër themeluesit e degës së PDK-së në Ferizaj dhe aktualisht është Kryetar i degës së PDK në Ferizaj. Ai ka qenë deputet në Kuvendin e Kosovës në legjislaturën e 5-të dhe gjithashtu është rizgjedhur në legjislaturën e 6-të, por pas zgjedhjes si Kryetar i Ferizajt, ka dhënë dorëheqje nga ky post.

Valdete Bajrami

Valdete Bajrami - Kryetare e Gruas së NISMA Socialdemokrate Valdete Bajrami është Shefe e Kabinetit të zëvëndës Kryeministrit të parë, Fatmir Limaj. Ajo është Kryetare e Gruas së NISMA Socialdemokrate. Paraprakisht ajo ka qenë deputete në Kuvendin e Kosovës në legjislaturën e 5-të dhe Kryetare e Grupit Parlmentar të NISMA Socialdemokrate.

Arben Ahmeti

Arben Ahmeti - Autor dhe Drejtor i Programit “Zyra e ankesave”- RTV Dukagjini Ai është autor i programit televiziv të mëngjesit në TV dhe radio 'Zyra e Ankesave', një platformë mediatike në Kosovë që diskuton mbi problemet e përditshme të qytetarëve, si infrastruktura dhe ofrimi i shërbimeve në nivel lokal. Shfaqja bazohet në gazetarinë qytetare, ku qytetarët raportojnë problemet e tyre dhe udhëheqësi i programit pastaj informon kryetarët e komunave dhe ministrat për këto probleme. Ahmeti ka shërbyer gjithashtu si gazetar i lartë për politikë në Koha Ditore dhe për dy vjet ishte Kryeredaktor në gazetën e përditshme Tribuna. Ahmeti u zgjodh gjithashtu kryetar i Asociacionit të Gazetarëve të Kosovës dhe mori pjesë në një trajnim gazetaresk hulumtues përmes programit të Ambasadës Amerikane. Ai ka shumë vite përvojë në realizimin e intervistave me akterë politik, ambasadorë dhe diplomatë, duke punuar për të nxitur lirinë e fjalës, demokratizimin dhe stabilitetin në Ballkan.

Mimoza Gavrani

Mimoza Gavrani - Menaxhere e Programit në Caritas Kosovë/Pjesëmarrëse e Javës së Gruas (Gjenerata 2013) Mimoza Gavrani është nga Prishtina. Ajo është Menaxhere e Programit në organizatën Caritas Sëitzerland në Kosovë. Aktualisht është duke ndjekur një program studimor në Central European University (CEU) në Budapest, Hungari, ndërsa ka përfunduar studimet universitare në psikologji në Prishtinë. Ajo ka më shumë se 12 vite përvojë në zhvillimin e shoqërisë civile dhe aktivizmit dhe ka qenë aktivisht e përfshirë në procese të bërjes së politikave, të inicuara nga qeveria që kanë pasur për qëllim integrimin e komuniteteve të tjera në Kosovë. Gavrani e cilëson diversitetin si një koncept të vlefshëm, prandaj në vitin 2017 themeloi programin televiziv të titulluar 'Mimoza', i cili transmetohet çdo javë në Radio Televizionin e Kosovës (RTK) dhe paraqet idenë e përdorimit të mediave si mjet për ngritjen e vetëdijes së qytetarëve lidhur me çështjet sociale në Kosovë. Ky është unik jo vetëm së është themeluar, por edhe menaxhuar nga një grua që i takon komunitetit pakicë në rajonin e Ballkanit. Gavrani synon të hapë rrugë për gratë e ardhshme dhe të demonstroj se si gratë profesionale mund të punojnë drejt arritjes së barazisë gjinore në Ballkan.

Vlora Ferizi

Vlora Ferizi -Procurement Advisor at USAID, Transparent, Effective and Accountable Municipalities activity in Kosovo Para se t’i bashkohej projektit të USAID-it, Vlora shërbeu si eksperte e prokurimit në projekte të ndryshme të financuara nga Bashkimi Evropian. Vlora gjithashtu ishte eksperte për një afat të shkurtër e prokurimit për Programin e Forcimit të Sistemit të Drejtësisë në Kosovë të mbështetur nga USAID-i, si eksperte e prokurimit në Komisionin Rregullativ të Prokurimit Publik, si dhe Menaxhere e Prokurimit për Aeroportin Ndërkombëtar të Prishtinës. Vlora është gjithashtu trajnere e prokurimit e cila ka asistuar Institutin e Kosovës për Administratë Publike në zhvillimin e moduleve të kurrikulës dhe trajnimeve për kualifikim në prokurim. Vlora ka përfunduar studimet master në Administrim Biznesi (MBA) në Prokurim, në Universitetin e Biznesit dhe Teknologjisë. Ajo gjithashtu mban diplomë si Eksperte Ndërkombëtare në Ligjin e Prokurimit dhe Menaxhim nga Universiteti i Biznesit dhe Teknologjisë. Vlora përfundoi studimet e saj universitare në Universitetin e Prishtinës 'Hasan Prishtina', Fakulteti Filologjik dhe Gjuhë Angleze. Vlora ka certifikatë të Prokurimit Profesional.

Shpend Ahmeti

Shpend Ahmeti - Kryetar i Komunës së Prishtinës Shpend Ahmeti është Kryetar i Komunës së Prishtinës dhe Kryetar i Partisë Socialdemokrate (PSD). Ka përfunduar studimet master në Politika Publike në Universitetin e Harvardit në SHBA, gjatë viteve 2002 – 2004, duke specializuar në Zhvillimin Politik dhe Ekonomik. Studimet universitare i ka përfunduar në Ekonomi dhe Administrim Biznesi në Universitetin Amerikan në Bullgari, gjatë viteve 1996 – 2000, duke specializuar në ekonomi të aplikuar dhe administrim biznesi. Gjatë kohës së studimeve 1999-2002, Shpendi ishte senator dhe më pas President i Qeverisë Studentore në Universitetin Amerikan të Bullgarisë, si dhe udhëheqës i komuniteteve të ndryshme (nga më shumë se dhjetë vende) përgjatë një periudhe të reformave në universitet. Duke filluar nga viti 2005, Shpendi ka qenë ligjërues i Politikave Publike dhe Politikave Ekonomike Ndërkombëtare në Universitetin Amerikan në Kosovë (AUK). Është fitues i disa çmimeve si ëorld Bank Spot Aëard dhe disa në European Debating Championships.

Mexhide Mjaku-Topalli

Mexhide Mjaku-Topalli - Deputete e Kuvendit te Kosoves/Kryesuese e Grupit te Grave Deputete, Kuvendi i Kosoves Mexhide Mjaku-Topalli eshte deputete ne Kuvendin e Republikes se Kosoves nga radhet e PDK-se, dhe aktualisht sherben ne mandatin e saj te dyte. Ajo eshte Kryesuese e Grupit te Grave Deputete dhe po ashtu anetare e Komisionit per te Drejtat e Njeriut, Barazi Gjinore, per Persona te Pagjetur dhe Peticione. Me heret Mjeku-Topalli ka qene mesimdhenese dhe drejtore ne Shkollen Fillore dhe te Mesme ne Ferizaj. Ajo mban titullin magjistre ne psikologji arsimore.

Vjosa Osmani

Vjosa Osmani - Deputete në Kuvendin e Kosovës Vjosa Osmani është deputete në Kuvendin e Kosovës nga radhët e LDK-së, në tre legjislaturat e fundit. Osmani është Kryetare e Komisionit për Punë të Jashtme, Diasporë dhe Investime Strategjike. Ajo ishte gruaja më e votuar në zgjedhjet qëndrore të vitit 2017 në Kosovë. Ajo ka përfunduar studimet universitare në Fakultetin Juridik, në Universitetin e Prishrinës ndërsa ato të magjistraturës dhe doktoraturës në Universitetin e Pitsburgut. Ajo ka ligjëruar në Universitetin e Prishtinës, Universitetin e Pitsburgut, dhe në Universitetin Amerikan në Kosovë.

Uran Ismaili

Uran Ismaili - Ministër i Shëndetësisë Uran Ismaili është Ministër i Shëndetësisë në Kosovë dhe Nënkryetar i Partisë Demokratike të Kosovës (PDK). Nga 2010-2017, ai ka qenë i përfshirë në sektorin publik duke i ofruar konsulencë ministrit të transportit, ministrit të bujqësisë, dhe më së fundi si këshilltar/shef i kabinetit të kryetarit të Kuvendit të Kosovës. Ai ka eksperiencë në implementimin e projekteve të rëndësishme infrastrukturore, e deri në zhvillimin e programeve të granteve në bujqësi. Ai ka udhëhequr Ministrinë e Bujqësisë në takime me donatorë nga Bashkimi Evropian, Shtetet e Bashkuara të Amerikës (SHBA), Bashkimi Evropian (BE), Banka Botërore, në këtë mënyrë ka zhvilluar programe prej të cilave kanë përfituar shumë sektorë në fushën e bujqësisë. Njëri ndër zhvillimet më me rëndësi ka qenë krijimi i një partneriteti unik në mes të USAID dhe Qeverisë së Kosovës për financimin e kredive bujqësore përmes bankave komerciale. Përveç angazhimit si këshilltar, gjatë karrierës së tij Ismaili njihet si ndërmarrës i suksesshëm në sektorin e ushqimit, pasi që është bashkëpronar dhe bashkëthemelues i një zinxhiri të pastiçerive në Prishtinë. Ai ka diplomuar nga Harvard Kennedy School me Master në Administrim Publik, dhe mbanë diplomë Bachelor në Psikologji nga Universiteti Graceland në Ioëa. Gjatë kohës së tij në Graceland, ai ka qenë i angazhuar në klubet studentore si Klubin e Studentëve Ndërkombëtar dhe në Klubin e Studentëve me Ngjyrë, ku ka bërë përpjekje për të promovuar tolerancën fetare dhe racore.

Ismet Kryeziu

Ismet Kryeziu - Drejtor Ekzekutiv i Institutit Demokratik të Kosovës Ismet Kryeziu ka nisur karrierën në shoqëri civile qysh nga viti 2001, kur i është bashkuar programit Civic Forum në Institutin Kombëtar Demokratik (NDI). Pas përmbylljes së këtij programi, Kryeziu në bashkëpunim me kolegët e tij vendosën të krijonin një OJQ vendore e cila sot njihet si Instituti Demokratik i Kosovës. Në vitin 2006, ai është emëruar Drejtor Ekzekutiv i KDI-së, pozitë kjo që vazhdon ta mbajë. Ismeti ka përvojë të gjatë në procesin e zgjedhjeve, punën me Kuvendin e Kosovës, luftën kundër korrupsionit, qeverisjen lokale e barazinë gjinore.

Lisa Magno

Lisa Magno - Drejtore e Misionit të Agjencisë Amerikane për Zhvillim Ndërkombëtar në Kosovë Që nga viti 2017, znj. Magno ka shërbyer si zëvendës drejtore e Misionit të Agjencisë për Zhvillim Ndërkombëtar në Kosovë. Para kësaj, ajo ishte zëvendës drejtore e asistentit për Byronë për Evropë dhe Euroazi në ëashington. Karriera e Magno me USAID përfshin 30 vjet, gjatë së cilës ka punuar në Filipine, Afganistan, Kosovë dhe disa vende në Amerikën Latine. Kjo shënon herën e dytë që znj. Magno ka mbajtur një rol udhëheqës në USAID/Kosovë. Prej 2009-2011, ajo drejtoi Programin dhe Zyrën e Politikave dhe ndihmoi në nisjen e strategjisë së vendit për USAID / Kosovë 2010-2014. Më 27 korrik, ambasadori Greg Delaëie emëroi Lisa Magno si Drejtore e Misionit të Agjencisë Amerikane për Zhvillim Ndërkombëtar në Kosovë.

Alexander Chavarria

Alexander Chavarría - Drejtor i Institutit Kombëtar Demokratik në Kosovë Alexander Chavarria është drejtor i Institutit Kombëtar Demokratik në Kosovë. Më parë ka shërbyer si drejtor në Liberi si dhe drejtor i programit pjesëmarrje të qytetarëve në Kuvendin Legjislativ në El Salvador. Ai ka shërbyer si këshilltar ndërkombëtar në çështjet demokracisë dhe qeverisjes përmes IADB, Programit Ndërkombëtar për Buxhet, Parlamentarët për Grupin e Habitatit dhe OAS. Chavarria bashkëthemeloi, asistoi dhe më vonë shërbeu si këshilltar për Programin e Zhvillimit Legjislativ (PRODEL) për Kuvendin e Kosta Rikës. Ai gjithashtu ka shërbyer si këshilltar ndërkombëtar në programin për modernizimin e legjislacionit në Guatemala dhe si këshilltar legjislativ në Dhomën e Përfaqësuesve në Legjislaturën e Teksasit. Chavarria po ashtu ka qenë vëzhgues ndërkombëtar për OAS gjatë vitit 2004 në zgjedhjet presidenciale në El Slavador. I lindur në Kosta Rika, Chavarria mbanë diplomë Master në Administrim të Biznesit nga Pontificia Universidad Católica de Chile, dhe gjithashtu diplomë Master në Shkenca Politike nga Texas State University. Chavarria ka diplomuar edhe nga programi “licenciatura” në Universitetin e Kosta Rikës, Shkolla për Shkenca Politike.

Donikë Qerimi

Donikë Qerimi - Ligjëruese në Fakultetin Juridik në Universitetin e Prishtinës ‘’Hasan Prishtina’’’ Donikë Qerimi është ligjeruese në Fakultetin Juridik të Universitetit të Prishtinës. Ajo ka doktoruar në fushën e së Drejtës Ndërkombëtare Private, në Universitetin e Gentit në Belgjikë, dhe ka magjistruar në Universitetin e Pittsuburgut në SHBA. Ajo ka punuar si këshilltare ligjore në Ministrinë e Drejtësisë, duke u fokusuar në draftim të legjilacionit, bashkëpunim juridik ndërkombëtar, dialogun Kosovë-Serbi etj. Ajo vazhdon të shërbejë si konsultente për këtë Ministri në kuadër të mbështetjes së Amabasadës Britanike. Më parë, ajo gjithashtu ka punuar për procesin e Gjykatës Kushtetuese të Kosovës si dhe në në një numër organizatash jo-qeveritare.

Duda Balje

Duda Balje - Deputete e Kuvendit të Kosovës/Kryetare e Komisionit për të Drejtat e Njeriut, Barazi Gjinore, për Persona të Pagjetur dhe Peticione Duda Balje vjen nga komuna e Prizrenit. Ajo është deputete në Kuvendin e Kosovës që nga viti 2010, dhe ky është mandati i saj i tretë. Ajo është kryetare e Komisionit Parlamentar për të Drejtat e Njeriut, Barazi Gjinore, Persona të Zhdukur dhe Peticione dhe është gjithashtu anëtare e Komisionit për të Drejtat, Interesat e Komuniteteve dhe Kthim. Duda Balje ka përfunduar studimet e doktoraturës në ekonomi nga Universiteti Educons në Novi Sad. Balje ishte gjithashtu anëtare e Këshillit Konsultativ për Komunitete në Kabinetin e Presidentit në vitin 2013.