Dita 1: Hapja e Javës së Gruas 2019
E martë, 26 mars 2019
Vendi: Ndërtesa e re qeveritare (objekti ish-Rilindja)

08:30 - 09:30 Regjistrimi i pjesëmarrësve
09:30 - 09:35 Video Java e Gruas 2018
09:35 - 09:50 Hapja e programit
Ceremonia e hapjes së programit do të moderohet nga Pranvera Lipovica, Menaxhere e Programit në Institutin Kombëtar Demokratik
● Ramush Haradinaj, Kryeministër i Republikës së Kosovës
● Donikë Dobruna, Gjyqtare në Gjykatën Themelore në Prishtinë/Pjesëmarrëse e Javës së Gruas (Gjenerata 2017)

09:50 – 10:00 Fjala kryesore
● Philip S. Kosnett, Ambasador i Shteteve të Bashkuara të Amerikës në Republikën e Kosovës

10:00 – 12:30 Diskutim në panel: Rruga drejt qeverisjes së mirë
Qëllimi: Përfshirja e qytetarëve në proceset e bërjes së politikave paraqet një element thelbësor të qeverisjes së mirë. Komunikimi i vazhdueshëm me qytetarët ndihmon institucionet publike në përmirësimin e cilësisë së politikave, në përmbushjen e pritshmërive të qytetarëve për shkallën e transparencës dhe llogaridhënies, si dhe në adresimin e problemit të rënies së besimit të qytetarëve në demokraci. Përmes informimit, konsultimit dhe përfshirjes aktive të qytetarëve, institucionet publike jo vetëm që përmirësojnë cilësinë e politikave dhe forcojnë legjitimitetin e vendimeve, por njëkohësisht e rrisin kredibilitetin e tyre. Si rezultat, qytetarët nuk janë më përfitues pasiv të shërbimeve që ofrojnë institucionet publike, por marrin një rol aktiv në hartimin dhe zbatimin e politikave. Ky sesion hyrës ka për qëllim t’i jap kahje të gjitha sesioneve që do të organizohen në kuadër të Javës së Gruas 2019. Përfaqësuesit e institucioneve publike dhe të shoqërisë civile do të diskutojnë qasjet, iniciativat dhe masat e ndërmarra për të rritur efektivitetin e institucioneve të qeverisjes lokale dhe për të vendosur qytetarin në qendër të procesit të bërjes së politikave publike.

10:00 – 10:30 Fjala hyrëse e panelistëve
● Xhevahire Izmaku, Deputete e Kuvendit të Kosovës/Anëtare e Komisionit për Administratë Publike, Qeverisje Lokale dhe Media
● Mahir Yağcılar, Ministër i Administratës Publike
● Rozafa Ukimeraj - Çuni, Sekretare e Përgjithshme në Ministrinë e Administrimit të Pushtetit Lokal
● Agim Veliu, Kryetar i Asociacionit të Komunave të Kosovës/Kryetar i Komunës së Podujevës
● Adrijana Hodžić, Shefe Ekzekutive e Administratës në Komunën e Mitrovicës Veriore

10:30 - 12:30 Diskutim i hapur me audiencën
Moderator: Taulant Hoxha – Drejtor Ekzekutiv i Fondacionit Kosovar për Shoqëri Civile

12:30 - 13:30 Koktej i mirëseardhjes i organizuar nga Kryeministri i Republikës së Kosovës Ramush Haradinaj
· Mundësi për fotografi

Dita 2
E mërkurë, 27 mars 2019
Vendi: Hoteli Emerald
09:00 - 09:30 Regjistrimi i pjesëmarrësve

Pjesa 1: Pjesëmarrësit e Javës së Gruas do të ndahen në tre grupe dhe do të marrin pjesë njëkohësisht në punëtoritë respektive






Pjesa 2: Pjesëmarrësit e Javës së Gruas do të mbledhen për dy sesione plenare nga 45 minuta

Në vitet e fundit demokracitë perëndimore janë kapluar nga një valë e ndjenjave anti- institucionale, të nxitura kryesisht nga perceptimet e qytetarëve se pushtetin e kanë kapur elitat të cilat kanë humbur kontaktin me realitetin e përditshëm të njerëzve. Si përgjigje ndaj këtyre zhvillimeve alarmante, zyrtarët e zgjedhur publik kanë kuptuar se mbijetesa e demokracisë dhe institucioneve që ata udhëheqin varet nga gatishmëria e tyre për të takuar dhe dëgjuar qytetarët, dhe vullneti për të siguruar që shqetësimet dhe kërkesat e tyre do të pasqyrohen në politikat publike. Gjatë këtij sesioni pjesëmarrësit do të diskutojnë mbi rëndësinë e transparencës, qasshmërisë dhe llogaridhënies në përmirësimin e performancës së institucioneve qeverisëse dhe rikthimin e besimit të qytetarëve në demokraci. Pjesëmarrësit do të kenë mundësinë të mësojnë për sfidat me të cilat ballafaqohen institucionet për t'iu përgjigjur ndryshimeve socio-ekonomike dhe avancimit të teknologjive të reja. Folësit e ftuar do të elaborojnë se pse qasja në informata dhe angazhimi i qytetarëve në procesin e krijimit të politikave publike janë të rëndësishme në demokracitë e konsoliduara. Po ashtu, do të diskutohet rreth veprimeve dhe mekanizmave specifik të zhvilluara nga institucionet që ata përfaqësojnë për të promovuar transprencën dhe ndërveprimin e vazhdueshëm me qytetarët. Diskutimi gjithashtu do të adresoj rëndësinë e mbajtjes së standardeve të larta të etikës dhe integritetit në institucione dhe sfidat në kultivimin e një kulture të llogaridhënies në demokracitë e reja.




13:40 - 13:45 Hapja e sesionit nga Albulena Nrecaj, Drejtore Ekzekutive e Iniciativës për Progres

13:45 - 13:55 Fjala kryesore nga Kadri Veseli, Kryetar i Kuvendit të Kosovës

13:55 - 14:25 Diskutim i hapur me audiencën



14:45 - 14:50 Hapja e sesionit nga Mimoza Kusari Lila, Deputete e Kuvendit të Kosovës/Kryesuese e Grupit Parlamentar të Miqësisë Kosovë-Kanadë.
14:50 - 15:00 Fjala kryesore nga Borys Wrzesnewskyj, Deputet në Dhomën e Përfaqësuesve të Kanadasë.
15:00 - 15:30 Diskutim i hapur me audiencën.

Pjesa 3: Pjesëmarrësit e Javës së Gruas do të ndahen në tre grupe dhe do të marrin pjesë njëkohësisht në punëtoritë respektive

Dita 3
E enjte, 28 mars 2019
Vendi: Hoteli Emerald

09:00 - 09:30 Regjistrimi i pjesëmarrësve

Pjesa 1: Pjesëmarrësit e Javës së Gruas do të ndahen në tre grupe dhe do të marrin pjesë njëkohësisht në punëtoritë respektive
Pjesa 2: Pjesëmarrësit e Javës së Gruas do të mbledhen për dy sesione plenare nga 45 minuta.
13:40 - 14:25 Rritja e llogaridhënies së institucioneve publike përmes filtrimit të politikave publike nga këndvështrimi gjinor
Qëllimi: Qeverisja e mirë lidhet ngushtë me transparencën dhe llogaridhënien e institucioneve publike. Shpesh përmes këtij përkufizimi supozohet se sistemet dhe proceset institucionale janë neutrale nga këndvështrimi gjinor. Megjithatë, parimi i barazisë gjinore mishëron idenë se politikat, legjislacioni dhe buxhetet duhet të shqyrtohen edhe nga perspektiva gjinore për të garantuar që gratë dhe burrat gëzojnë të drejta, përgjegjësi dhe mundësi të plota dhe të barabarta. Në këtë drejtim, fuqizimi i grave është thelbësor në mënyrë që ato të marrin pjesë, të kenë ndikim efektiv dhe të përfitojnë nga proceset e vendimmarrjes që ndërlidhen me synimet e tyre politike, sociale dhe ekonomike. Gjatë këtij sesioni, pjesëmarrësit do të diskutojnë qasjet që institucionet publike duhet të konsiderojnë për të siguruar që aspekti i ndikimit gjinor gjithnjë do të merret parasysh gjatë formulimit dhe zbatimit të politikave publike. Po ashtu, gjatë diskutimit do të shtjellohet roli i sistemit edukativo-arsimor, partive politike, organizatave të shoqërisë civile dhe mediave në promovimin e një kulture të ndjeshmërisë ndaj aspekteve gjinore dhe në sigurimin e hapësirës dhe mbështetjes adekuate për gratë në pozita udhëheqëse.

Dita 4
E premte, 29 mars 2019
Vendi: Kino Armata
09:00 - 09:30 Regjistrimi i pjesëmarrësve
09:30 - 09:35 Fjalët hyrëse: Christina Davis, Drejtore e Zyrës për Demokraci dhe Qeverisje në Agjencinë Amerikane për Zhvillim Ndërkombëtar (USAID)
09:35 - 11:30 Paneli 1: Ndarja e përgjegjësisë në përzgjedhjen e politikave publike: Sfidat në sigurimin e përfshirjes së qytetarëve në procesin e bërjes së politikave Qëllimi: Pjesëmarrja përmbajtësore e qytetarëve në procesin e bërjes së politikave publike është thelbësore për të siguruar funksionimin e mirëfilltë të sistemeve demokratike të qeverisjes. Ndarja e përgjegjësisë në përzgjedhjen e politikave publike është veçanërisht e rëndësishme në nivel lokal. Komunat duhet të ofrojnë shërbime që plotësojnë nevojat e të gjithë qytetarëve, duke përfshirë edhe grupet e margjinalizuara. Për të arritur këtë, komunat duhet të investojnë kapital politik dhe resurse të mjaftueshme në zhvillimin dhe forcimin e mekanizmave përmes të cilëve qytetarët informohen, konsultohen dhe përfshihen aktivisht në formulimin dhe zbatimin e politikave në nivel lokal. Në anën tjetër, po ashtu duhet të rritet niveli i ndërgjegjësimit të qytetarëve dhe potenciali i tyre për të ndikuar përmbajtësisht në zhvillimin e politikave komunale, akteve nënligjore, dhe buxhetit. Gjatë këtij sesioni do të diskutohet rreth qasjes që duhet të kenë institucionet për të komunikuar me qytetarët, dhe se si këta të fundit duhet të përdorin në mënyrë efektive mekanizmat e dizajnuar për të lehtësuar pjesëmarrjen e tyre në proceset e zhvillimit të politikave, dhe zvogëlimin e hendekut në mes të qytetarëve dhe zyrtarëve publik.
09:35 - 10:10 Fjala hyrëse e panelistëve
● Duda Balje, Deputete e Kuvendit të Kosovës/Kryetare e Komisionit për të Drejtat e Njeriut, Barazi Gjinore, për Persona të Pagjetur dhe Peticione
● Vesna Mikić, Zëvendës Ministre e Drejtësisë
● Qëndron Kastrati, Kryetar i Komunës së Kamenicës
● Jovana Radosavljević, Drejtore Ekzekutive në Iniciativën e Re Shoqërore
● Ganimete Aliu, Zyrtare për Barazi Gjinore në Komunën e Obiliqit
10:10 - 11:30 Diskutim i hapur me audiencën
Moderatore: Sanja Sovrlić, Gazetare në portalin Bota Bardh e Zi/Pjesëmarrëse e Javës së Gruas (Gjenerata 2014)
11:30 - 12:30 Bashkëbisedim me Sonja Stamenkova, Kryetare e Komunës Kamenica Maqedone
Qëllimi: Zyrtarët publik në institucionet e qeverisjes lokale duhet të mbahen përgjegjës jo vetëm për veprimet dhe shërbimet që i ofrojnë gjatë qeverisjes së tyre, por edhe për sjelljen që tregojnë gjatë përmbushjes së obligimeve dhe përgjegjësive. Besimi që u jepet atyre nga qytetarët pritet të kthehet në veprime konkrete që përfaqësojnë interesin publik, jo interesat e tyre personale apo ato të partisë së tyre. Zyrtarëve publik iu është besuar të menaxhojnë taksat e qytetarëve, prandaj qytetarët jo vetëm që duhet të informohen për vendimet e marra në emër të tyre, por duhet të konsultohen dhe përfshihen në proceset që i paraprijnë marrjes së vendimeve. Kjo është tejet e rëndësishme, sidomos në nivelin e qeverisjes lokale, e cila në thelb është e dizajnuar për të sjellë institucionet sa më afër qytetarit. Kështu, vetëm përmes transparencës dhe llogaridhënies institucionet publike mund t’i sigurojnë qytetarët që vendimet dhe politikat e financuara nga taksat e tyre janë në shërbim të interesit publik. Gjatë këtij sesioni, pjesëmarrësit do të kenë mundësinë të diskutojnë rreth qasjeve që synojnë përfshirjen e qytetarëve në hartimin e politikave dhe promovimin e një kulture të llogaridhënies midis zyrtarëve publik, që siguron vendosjen dhe ruajtjen e standardeve të larta të etikës dhe integritetit në shërbimin publik. 11:30 - 11:35 Hapja e diskutimit nga Arbesa Neziri, Pjesëmarrëse e Javës së Gruas (Gjenerata 2018)
11:40 - 12:30 Diskutim i hapur me audiencën
12:30 – 13:30 Dreka
13:30 – 15:30 Paneli 2: Rritja e llogaridhënies në qeverisjen lokale përmes transparencës dhe efikasitetit të prokurimit publik
Qëllimi: Vendet demokratike kanë vënë në zbatim parimin e decentralizimit të pushtetit dhe fuqizimin e institucioneve të qeverisjes lokale me qëllim që nevojat e qytetarëve të adresohen në mënyrë më efektive dhe të përgjegjshme. Përkrahësit e kësaj qasje kanë argumentuar se afërsia e qytetarëve me zyrtarët e institucioneve qeverisëse do të ketë ndikim pozitiv në përmirësimin e efikasitetit, transparencës dhe llogaridhënies. Megjithatë, përvoja në Kosovë, ngjashëm si në shumë vende në zhvillim, tregon se në përcaktimin e politikave me prioritet dhe ndarjet buxhetore ekzistojnë zbrazëtira të konsiderushme. Në listën e sfidave të qeverisjes lokale, vend kryesor zënë proceset dhe procedurat joefektive të prokurimit publik që shpesh karakterizohen me mungesë të transparencës dhe korrupsion. Gjatë këtij sesioni, pjesëmarrësit do të kenë mundësi të diskutojnë me panelistë lidhur me ndryshimet kyçe në prokurimin publik, përpjekjet e komunave për të përmirësuar transparencën dhe llogaridhënien në nivel lokal, rishikimin e kornizës ligjore mbi prokurimin publik, zgjidhjet teknologjike të bëra me qëllim për të siguruar nivel më të lartë të transparencës në proceset e prokurimit, dhe rolin e organizatave të shoqërisë civile dhe mediave në monitorimin dhe raportimin e menaxhimit të financave publike në nivel lokal.
13:30 – 14:00 Fjala hyrëse e panelistëve
● Ardian Gjini, Kryetar i Komunës së Gjakovës
● Xhafer Tahiri, Kryetar i Komunës së Vushtrrisë
● Zize Blakaj, Menaxhere e Prokurimit në Komunën e Istogut/Pjesëmarrëse e Javës së Gruas (Gjenerata 2012)
● Vlora Ferizi, Këshilltare e Prokurimit në Agjencinë Amerikane për Zhvillim Ndërkombëtar, Komuna Transparente, Efektive dhe Llogaridhënëse
● Njomza Arifi, Menaxhere e Programit në Grupin për Studime Juridike dhe Politike

14:00 – 15:30 Diskutim i hapur me audiencën

Moderatore: Nora Siqeca, Eksperte për komunikim - Agjencia Amerikane për Zhvillim Ndërkombëtar, Komuna Transparente, Efektive dhe Llogaridhënëse
15:30 – 16:30 Bashkëbisedim me Erica Van Lente, Kryetare e Komunës së Dalfsen, Mbretëria e Holandës
Qëllimi: Zyrtarët publik në institucionet e qeverisjes lokale duhet të mbahen përgjegjës jo vetëm për veprimet dhe shërbimet që i ofrojnë gjatë qeverisjes së tyre, por edhe për sjelljen që tregojnë gjatë përmbushjes së obligimeve dhe përgjegjësive. Besimi që u jepet atyre nga qytetarët pritet të kthehet në veprime konkrete që përfaqësojnë interesin publik, jo interesat e tyre personale apo ato të partisë së tyre. Zyrtarëve publik iu është besuar të menaxhojnë taksat e qytetarëve, prandaj qytetarët jo vetëm që duhet të informohen për vendimet e marra në emër të tyre, por duhet të konsultohen dhe përfshihen në proceset që i paraprijnë marrjes së vendimeve. Kjo është tejet e rëndësishme, sidomos në nivelin e qeverisjes lokale, e cila në thelb është e dizajnuar për të sjellë institucionet sa më afër qytetarit. Kështu, vetëm përmes transparencës dhe llogaridhënies institucionet publike mund t’i sigurojnë qytetarët që vendimet dhe politikat e financuara nga taksat e tyre janë në shërbim të interesit publik. Gjatë këtij sesioni, pjesëmarrësit do të kenë mundësinë të diskutojnë rreth qasjeve që synojnë përfshirjen e qytetarëve në hartimin e politikave dhe promovimin e një kulture të llogaridhënies midis zyrtarëve publik, që siguron vendosjen dhe ruajtjen e standardeve të larta të etikës dhe integritetit në shërbimin publik.
15:30 - 15:35 Hapja nga Amra Zejneli - Loxha, Gazetare në RTK 2/Radio Evropa e Lirë
15:35 - 15:45 Fjala kryesore nga Erica Van Lente, Kryetare e Komunës së Dalfsen, Mbretëria e Holandës
15:45 - 16:30 Diskutim i hapur me audiencën

16:30 – 16:45 Pauza e kafes

16:45 – 18:30 Paneli 3: Ruajtja e rolit të medias në promovimin e qeverisjes transparente dhe llogaridhënëse
Qëllimi: Në një shoqëri demokratike media luan rol kyç në promovimin e qeverisjes së mirë. Duke monitoruar punën e institucioneve publike dhe duke ekspozuar rastet e keqpërdorimeve, mediat u mundësojnë qytetarëve që vazhdimisht të mbajnë institucionet nën vëzhgim dhe të rrisin kështu presionin publik për llogaridhënie. Mediat shërbejnë edhe si arenë ku zhvillohen debate lidhur me çështjet politike dhe politikat publike, duke u mundësuar qytetarëve të jenë më të informuar për opcionet që do të mbështesin gjatë zgjedhjeve. Informimi adekuat është jetik për përfshirjen e qytetarëve në çështjet publike, prandaj duke siguruar informacion të saktë për çështjet e hapura dhe pikëpamjet e akterëve relevant, media luan rol ndërmjetësues në mes të qytetarëve dhe institucioneve. Gjatë këtij sesioni do diskutohet se deri në çfarë shkalle mediat pasqyrojnë diversitetin kulturor dhe shoqëror, dhe potencialin e tyre për të kanalizuar prioritetet dhe kërkesat e qytetarëve në agjendën e politikbërësve. Pjesëmarrësit gjithashtu do të diskutojnë mënyrat se si mediat e reja digjitale lehtësojnë shkëmbimin e informacionit dhe ndikojnë në proceset e politikbërjes.

16:45 – 17:15 Fjala hyrëse e panelistëve
● Fatmire Mulhaxha-Kollcaku, Deputete e Kuvendit te Kosoves
● Agim Aliu, Kryetar i Komunës së Ferizajt -
● Valdete Bajrami, Kryetare e Gruas së NISMA Socialdemokrate
● Arben Ahmeti, Autor dhe Drejtor i Programit “Zyra e ankesave”- RTV Dukagjini
● Erëza Vela, Eksperte për marrëdhënie me publikun dhe komunikim

17:15 - 18:30 Diskutim i hapur me audiencën

Moderatore: Mimoza Gavrani, Menaxhere e Programit në Caritas Kosovë/Pjesëmarrëse e Javës së Gruas (Gjenerata 2013)

Dita 5
E shtunë, 30 mars 2019
Vendi: Komuna e Prishtinës (ndërtesa e re)

10:00 - 11:00 Regjistrimi i pjesëmarrësve
11:00 - 11:10 Fjalët hyrëse ● Shpend Ahmeti, Kryetar i Komunës së Prishtinës
● Mexhide Mjaku Topalli, Deputete e Kuvendit të Kosovës/Kryesuese e Grupit të Grave Deputete, Kuvendi i Kosovës
11:10 - 12:30 Diskutim në panel: Edukimi qytetar dhe politik si mënyrë për të forcuar qëndrueshmërinë e demokracisë
Qëllimi: Qëndrueshmëria e çdo sistemi demokratik të qeverisjes varet nga interesimi dhe shkalla e angazhimit të qytetarëve në çështjet publike. Ndërgjegjësimi i qytetarëve mbi vlerat e demokracisë dhe të drejtave të njeriut, si dhe mbi parimet themelore të qeverisjes së mirë, është thelbësor në sigurimin e një qeverisje llogaridhënëse. Kjo është edhe më e rëndësishme në vendet me demokraci të brishtë që kanë dalur nga konflikti dhe kanë një trashëgimi të qeverisjes jodemokratike, e ku promovimi i vlerave dhe sjelljeve demokratike tek qytetarët dhe akterët politik është parakusht kyç për një tranzicion paqësor në demokraci. Në këto vende konsolidimi i demokracisë shpesh vështirësohet nga konfliktet etnike të mbetura nga e kaluara, keqpërdorimi i ndasive etnike nga politikanët për të nxitur tensione, klientelizmi politik dhe korrupsioni. Si rezultat, proceset e përjashtimit social dhe pabarazive sociale janë në rritje dhe kryesisht manifestohen me nivele të ulëta të besimit në institucionet publike dhe bindjet se sistemet demokratike të qeverisjes nuk mund të përmbushin pritshmëritë e qytetarëve. Diskutimet gjatë këtij sesioni do të përqendrohen në mënyrat se si programet për edukim qytetar dhe demokratik mund të kontribuojnë në zhvillimin e kulturës demokratike tek gjeneratat e reja. Panelistët do të diskutojnë veçanërisht rolin që sistemi edukativo-arsimor, partitë politike, mediat dhe organizatat e shoqërisë civile kanë në kultivimin e një kulture të qytetarisë aktive në mesin e të rinjve në Kosovë.

11:10 - 11:40 Fjala hyrëse e panelistëve
● Vjosa Osmani, Deputete në Kuvendin e Kosovës
● Uran Ismaili, Ministër i Shëndetësisë
● Shpend Ahmeti, Kryetar i Komunës së Prishtinës
● Ismet Kryeziu, Drejtor Ekzekutiv i Institutit Demokratik të Kosovës

11:40 - 12:30 Diskutim i hapur me audiencën
Moderatore: Donika Qerimi, Ligjëruese në Fakultetin Juridik në Universitetin e Prishtinës ‘’Hasan Prishtina’’’

12:30 - 12:45 Fjalët përmbyllëse - Java e Gruas 2019
● Lisa Magno, Drejtore e Misionit të Agjencisë Amerikane për Zhvillim Ndërkombëtar në Kosovë
● Alexander Chavarria, Drejtor i Institutit Kombëtar Demokratik në Kosovë
12:45 - 13:00 Reflektime dhe ndarja e historive të suksesit
13:00 - 13:30 Ceremonia e Certifikimit (USAID, NDI, Grupi i Grave Deputete)
13:30 - 14:30 Koktej përmbyllës