Luljeta Demolli është Drejtore Ekzekutive e Qendrës Kosovare për Studime Gjinore. Më parë, ajo ka qenë menaxhere e projektit dhe hulumtuese kryesore për projektin e Qendrës mbi historinë e grave në politikë. Ajo ka përfunduar studimet për sociologji dhe filozofi në Universitetin e Prishtinës. Ajo gjithashtu ka diplomuar në Kolegjin për Studime Alternative Humaniste në Prishtinë (2000-2001). Luljeta ka marrë pjesë në më shumë se 20 projekte kërkimore të kryera nga Qendra për Studime Humanistike "Gani Bobi", përfshirë hulumtimet shoqërore dhe tregtare të kryera me metoda cilësore dhe sasiore. Ajo gjithashtu ka punuar për Korporatën Farmaceutike të Kosovës si Koordinatore e Bazës së të Dhënave Qendrore (2002-2003). Ajo mori pjesë në një hulumtim të kryer nga Departamenti i Sociologjisë në Universitetin e Prishtinës, me kërkesë të Fondit për Zhvillim të Komunitetit (CDF), i cili zhvilloi vlerësime të projekteve të kryera nga ky fond në Kosovë (2002-2003). Para hyrjes në Qendrën Kosovare të Studimeve Gjinore, Luljeta ka punuar si Koordinatore e ekipit kërkimor për partinë politike ORA (2004).

Alan Bowman hyri në Departamentin e Punëve të Jashtme dhe Tregtisë Ndërkombëtare në vitin 1996. Në Seli, ai shërbeu si zëvendës drejtor i Divizionit të Marrëdhënieve Ekonomike Ndërkombëtare dhe Samiteve nga viti 2001 deri në vitin 2004. Z. Bowman ishte drejtor i Divizionit të Politikave të zonës Azi-Paqësor nga viti 2004 deri në vitin 2005, ai ishte drejtor i Divizioni i Strategjisë Rajonale nga viti 2005 në deri në vitin 2006 dhe drejtor i Divizionit të Hulumtimit të Politikave të Jashtme nga viti 2011 deri në 2014. Ai gjithashtu shërbeu në një mandat dy-vjeçar si kryetar i Komitetit të Tregtisë dhe Investimeve të Bashkëpunimit Ekonomik të zonës Azi-Paqësor (APEC) në vitin 2004 deri në vitin 2005 dhe kishte një detyrë me Zyrën e Këshillit Privat të Kanadasë nga viti 2010 deri në 2011. Jashtë vendit, nga viti 1997 deri në vitin 2000 ai shërbeu në Ambasadën e Kanadasë në Tajlandë në Bangkok, dhe në Misionin e Përhershëm të Kanadasë në Kombet e Bashkuara në New York nga viti 2006 deri në vitin 2010. Së fundmi, nga 2014 në 2019, ai ishte ministër-këshilltar dhe nënkryetar i misionit në Misionin e Kanadasë në Bashkimin Evropian në Bruksel si dhe vëzhgues i përhershëm i Kanadasë në Këshillin Evropian

Arben Loshi është Drejtori i Drejtorisë për Hulumtime, Bibliotekë dhe Arkiv (DHBA), brenda Kuvendit të Republikës së Kosovës. Z. Loshi, ka më shumë se 14 vite përvojë pune duke filluar si Zyrtar i Lartë Ligjor në Departamentin për Bashkëpunim Ligjor Ndërkombëtar, në Departamentin e Drejtësisë të UNMIK-ut dhe Ministrisë së Drejtësisë së Kosovës për çështjet penale dhe civile; në vitin 2010 filloi të punojë në Kuvendin e Kosovës, si Zyrtar i Lartë për partneritet evropian dhe nga viti 2012 vazhdoi duke udhëhequr DHBA. Përveç detyrave të tij kryesore nga viti 2014 deri në gusht të vitit 2020, z.Loshi ishte Kryetar i Komisionit për Zgjidhjen e Mosmarrëveshjeve dhe Ankesave, në Kuvendin e Kosovës. Nga data 10 gusht 2009 deri më 6 qershor 2010, ai ishte Zëvendës Kryetar dhe Anëtar i Komisionit Ndër-institucional për Vlerësimin e Praktikës Administrative në fushën e Qasjes në Dokumentet Zyrtare. Bazuar në një vendim nga Presidenti i mëparshëm i Kosovës Z. Hashim Thaçi, ai ishte anëtar i Ekipit Përgatitor për Themelimin e Komisionit të së Vërtetës dhe Pajtimit, ekip i cili ishte përgjegjës për hartimin e aktit normativ për krijimin e KVP-së. Ky ekip përfundoi punën e tij më 31 tetor 2020. Z. Loshi është avokat i diplomuar me një formim arsimor i cili mbanë diplomë Master në të Drejtën Ndërkombëtare në Fakultetit të Drejtësisë, Universiteti i Prishtinës. Gjithashtu, z.Loshi është angazhuar në aktivitete jashtëshkollore si përfundimi i Programit Ekzekutiv Ndërkombëtar dy vjeçar për Stafin Parlamentar të ofruar nga Universiteti McGill, Montreal, Kanada; Shkolla e Politikës e ofruar nga Instituti i Prishtinës për Studime Politike dhe Këshilli i Evropës dhe poashtu përfundoi Shkollën e Integrimit Evropian. Z.Loshi, gjithashtu mori pjesë në një numër trajnimesh dhe praktikash të specializuara, përfshirë: programe të organizuara nga Komisioni i Kongresit të SHBA-ve për Partneritet në Zhvillimin e Demokracisë (HDP) , Parliament Hill, Kanada, Parlamenti i BE-së, etj.

Vjosa Osmani është Presidente e Republikës së Kosovës në detyrë. Zonja Osmani është gruaja e parë e zgjedhur për të shërbyer si Kryetare e Kuvendit të Kosovës. Znj. Vjosa Osmani përfaqësoi LDK-në në tre legjislaturat e kaluara. Në legjislaturën e kaluar, zonja Osmani shërbeu si Kryetare e Komisionit për Punë të Jashtme, Diasporë dhe Investime Strategjike. Më parë, ajo ka shërbyer si Kryetare e Komisionit për Integrim Evropian dhe Nënkryetare e Komisionit për Reformën Kushtetuese në Kosovë. Znj. Osmani ishte gruaja më e votuar në zgjedhjet e përgjithshme të vitit 2017 dhe 2019 në Kosovë. Vjosa Osmani përfundoi studimet bachelor në Fakultetin e Drejtësisë, Universiteti i Prishtinës dhe ka përfunduar master dhe Ph.D. në Universitetin e Pittsburgh. Ajo ishte gjithashtu ligjeruese në Universitetin e Prishtinës, Universitetin e Pitsburgut dhe Universitetin Amerikan në Kosovë (AUK).