Alan Bowman hyri në Departamentin e Punëve të Jashtme dhe Tregtisë Ndërkombëtare në vitin 1996. Në Seli, ai shërbeu si zëvendës drejtor i Divizionit të Marrëdhënieve Ekonomike Ndërkombëtare dhe Samiteve nga viti 2001 deri në vitin 2004. Z. Bowman ishte drejtor i Divizionit të Politikave të zonës Azi-Paqësor nga viti 2004 deri në vitin 2005, ai ishte drejtor i Divizioni i Strategjisë Rajonale nga viti 2005 në deri në vitin 2006 dhe drejtor i Divizionit të Hulumtimit të Politikave të Jashtme nga viti 2011 deri në 2014. Ai gjithashtu shërbeu në një mandat dy-vjeçar si kryetar i Komitetit të Tregtisë dhe Investimeve të Bashkëpunimit Ekonomik të zonës Azi-Paqësor (APEC) në vitin 2004 deri në vitin 2005 dhe kishte një detyrë me Zyrën e Këshillit Privat të Kanadasë nga viti 2010 deri në 2011. Jashtë vendit, nga viti 1997 deri në vitin 2000 ai shërbeu në Ambasadën e Kanadasë në Tajlandë në Bangkok, dhe në Misionin e Përhershëm të Kanadasë në Kombet e Bashkuara në New York nga viti 2006 deri në vitin 2010. Së fundmi, nga 2014 në 2019, ai ishte ministër-këshilltar dhe nënkryetar i misionit në Misionin e Kanadasë në Bashkimin Evropian në Bruksel si dhe vëzhgues i përhershëm i Kanadasë në Këshillin Evropian

Albana Bytyqi është deputete e Kuvendit të Kosovës nga radhët e Aleancës për Ardhmërinë e Kosovës, dhe anëtare e bordit të Grupit të Grave Deputete. Ajo është gjithashtu anëtare e Komisionit për Mbikëqyrjen e Financave Publike dhe Zëvendës Kryetare e dytë e Komisionit për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione. Në vitin 2021, Bytyqi ishte kandidatja më e votuar në Komunën e Suharekës. Ajo përfaqëson AAK-në për herë të parë në Legjislativin VIII. Bytyci ka përfunduar studimet në nivelin bachelor në Juridik në Universitetin e Prishtinës.

Albert Krasniqi ka mbi dhjetë vite përvojë pune me organizata të shoqërisë civile në fushën e qeverisjes së mirë. Ai e filloi karrierën e tij me KIRPED, një organizatë hulumtuese lokale ku ishte pjesë e ekipit për tetë vite. Krasniqi punoi në demokratizimin e partive politike, ndërtimin e kapaciteteve të parlamentit dhe vëzhgimin e zgjedhjeve. Në 2015 ai u bashkua me KDI, dhe ka udhëhequr ekipin për të avancuar monitorimin e Kuvendit të Kosovës. Përveç kësaj, Krasniqi ka menaxhuar me sukses Sekretariatin e Demokracisë në Veprim në vëzhgimin e zgjedhjeve lokale dhe kombëtare. Para se t’i bashkohet organizatës Demokraci Plus, ka qenë Menaxher i Programit në Fondacionin Westminster për Demokraci në Kosovë.

Albin Kurti ish Kryeministër i Republikës së Kosovës, shërbeu si Kryeministri i katërt i Kosovës prej 3 shkurtit 2020 deri në 25 mars 2020. Në janar të vitit 2018 Kurti u bë lider i partisë Lëvizja Vetëvendosje (LVV). Kurti ka qenë deputet i Lëvizjes Vetëvendosje në Kuvendin e Republikës së Kosovës për tre mandate me radhë. Në zgjedhjet e fundit parlamentare, Albin Kurti ishte kandidati që fitoi numrin më të madh të votave në vend. Albin Kurti ka botuar me qindra artikuj, dhe është ftuar të prezantojë në universitete të ndryshme të njohura brenda dhe jashtë vendit. Ai gjithashtu ka shërbyer si Kryetar i Komisionit për Punë të Jashtme në Kuvendin e Republikës së Kosovës në vitet 2011-2014.

Znj. El-Yassir ka punuar me UNIFEM / UN Women që nga viti 1997. Më parë znj. El-Yassirka punuar si Përfaqësuese Speciale e UN Women në territorin e okupuar Palestinez (oPt), duke menaxhuar një portofol kompleks të programeve dhe projekteve, si dhe duke mbështetur UNCT dhe HCT për krijimin mekanizmave koordinues për trajtimin e barazisë gjinore dhe çështjet e fuqizimit të grave. Ajo është pjesë e listës së ekspertëve gjinorë të UNDG-së dhe ka mbështetur UNCT-të e tjera në këtë cilësi. Para se të bashkohej me UN Women, ajo për nj ë kohë të shkurtër punoi me Programin e Kombeve të Bashkuara për Zhvillim (UNDP) dhe ishte e angazhuar në fushën e arsimit. Përveç vullnetarizmit me një numër të OJQ-ve të grave dhe të drejtave të njeriut, ajo ka punuar në media edukative për fëmijë. Alia El-Yassir u diplomua në Universitetin McGill në Montreal dhe vazhdoi studimet pasuniversitare në Edukim dhe Antropologji, me specializim në Studimet Gjinore në Universitetin Ben Gurion të Negev.

Ana Radičević është drejtoresha rezidente e programit për integritetet politik të Institutit Kombëtar Demokratik për Evropën Juglindore, me seli në Sarajevë, Bosnjë dhe Hercegovinë. Studimet i përfundoi në Fakultetin Filologjik në Universitetin e Beogradit,ndërsa studimet master i përfundoi në fushën e Studimeve Evropiane në Fakultetin e Shkencave Politike në Universitetin e Sarajevës. Para kohës së saj në Bosnjë, shërbimi dy dekadash i Anës për organizatat e që ofrojnë ndihmë për demokracinë përfshinte pozita në zyrat e NDI në Kosovë, Serbi dhe Uashington, DC, ku ajo menaxhonte programet e partive politike dhe parlamentare duke punuar me zyrtarë të lartë të qeverisë dhe partive politike, si dhe me media, ambasadat e huaja, organizatat ndërkombëtare, agjencitë e ndihmës dhe institucione hulumtuese për të mbështetur kulturën demokratike dhe iniciativat e shoqërisë civile. Ajo kreu trajnime të shumta dhe mori pjesë në programet e ndihmës për demokracinë për NDI në Evropën Juglindore dhe Fondacionin Ëestminster për Demokraci në Afrikën Qendrore dhe Perëndimore.

Ann Christin Linde është politikane suedeze e Partisë Social Demokrate e cila shërben si Ministre e Punëve të Jashtme që nga viti 2019. Linde më parë ka shërbyer si Ministre e Tregtisë së Jashtme dhe Ministre për Bashkëpunim Nordik. Para kësaj ajo ishte Ministre për Çështjet e Bashkimit Evropian dhe Tregtisë që nga viti 2016. Gjatë viteve të 90-ta, Linde punoi në zyra qeveritare, duke përfshirë zyren e Sekretarit të Ministrisë së Punëve Civile, zyren e këshilltarit politik të BE dhe për Ministrin e Tregtisë dhe të Punëve të Jashtme Mats Hellström si dhe për Ministrin e Mbrojtjes Björn von Sydow. Linde shërbeu si Sekretare e Shtetit për Ministrinë e Punëve të Brendshme dhe si Sekretare e Shtetit në Ministrinë e Drejtësisë. Linde ishte kryetare e Departamentit për çeshtje Ndërkombëtare të Partisë Socialiste Evropiane në Bruksel, një organizatë për të gjitha partitë social-demokrate në BE. Më parë ajo ka qenë sekretare për çeshtje ndërkombëtare në Partinë Social Demokrate në Suedi nga viti 2000 deri në vitin 2013. Ajo ishte poashtu koordinatore ndërkombëtare në grupin e Partisë Social Demokrate Suedeze në Riksdag dhe këshilltare politike në Ministrinë e Punëve të Jashtme nga 1994–1998. Linde ishte gjithashtu e angazhuar si sekretare hetimore në grupin e Partisë Social Demokrate Suedeze në Komisionin Parlamentar për Çështjet e Bashkimit Evropian, ajo ka punuar si zyretare në Ministrinë e Administratës Publike dhe Ministrinë e Punëve të Jashtme. Ajo ka përfunduar studimet bachelor në shkencat politike, sociologji dhe ekonomi në Universitetin e Stokholmit dhe shkollën e mesme të lartë: program teknik, specializim në telekomunikim.

Arben Loshi është Drejtori i Drejtorisë për Hulumtime, Bibliotekë dhe Arkiv (DHBA), brenda Kuvendit të Republikës së Kosovës. Z. Loshi, ka më shumë se 14 vite përvojë pune duke filluar si Zyrtar i Lartë Ligjor në Departamentin për Bashkëpunim Ligjor Ndërkombëtar, në Departamentin e Drejtësisë të UNMIK-ut dhe Ministrisë së Drejtësisë së Kosovës për çështjet penale dhe civile; në vitin 2010 filloi të punojë në Kuvendin e Kosovës, si Zyrtar i Lartë për partneritet evropian dhe nga viti 2012 vazhdoi duke udhëhequr DHBA. Përveç detyrave të tij kryesore nga viti 2014 deri në gusht të vitit 2020, z.Loshi ishte Kryetar i Komisionit për Zgjidhjen e Mosmarrëveshjeve dhe Ankesave, në Kuvendin e Kosovës. Nga data 10 gusht 2009 deri më 6 qershor 2010, ai ishte Zëvendës Kryetar dhe Anëtar i Komisionit Ndër-institucional për Vlerësimin e Praktikës Administrative në fushën e Qasjes në Dokumentet Zyrtare. Bazuar në një vendim nga Presidenti i mëparshëm i Kosovës Z. Hashim Thaçi, ai ishte anëtar i Ekipit Përgatitor për Themelimin e Komisionit të së Vërtetës dhe Pajtimit, ekip i cili ishte përgjegjës për hartimin e aktit normativ për krijimin e KVP-së. Ky ekip përfundoi punën e tij më 31 tetor 2020. Z. Loshi është avokat i diplomuar me një formim arsimor i cili mbanë diplomë Master në të Drejtën Ndërkombëtare në Fakultetit të Drejtësisë, Universiteti i Prishtinës. Gjithashtu, z.Loshi është angazhuar në aktivitete jashtëshkollore si përfundimi i Programit Ekzekutiv Ndërkombëtar dy vjeçar për Stafin Parlamentar të ofruar nga Universiteti McGill, Montreal, Kanada; Shkolla e Politikës e ofruar nga Instituti i Prishtinës për Studime Politike dhe Këshilli i Evropës dhe poashtu përfundoi Shkollën e Integrimit Evropian. Z.Loshi, gjithashtu mori pjesë në një numër trajnimesh dhe praktikash të specializuara, përfshirë: programe të organizuara nga Komisioni i Kongresit të SHBA-ve për Partneritet në Zhvillimin e Demokracisë (HDP) , Parliament Hill, Kanada, Parlamenti i BE-së, etj.

Arbënesha Kuqi është nga Komuna e Gjakovës. Ajo ka përfunduar studimet e magjistraturës në fushën e ekonomisë dhe aktualisht punon si Koordinatore në Byronë Kosovare të Sigurimit. Arbënesha është Kryetare e Gruas Demokratike në Gjakovë dhe Nënkryetare e Gruas Demokratike në nivel qendror. Ajo ka qenë pjesëmarrëse e Javës së Gruas në vitin 2018.

Arbërie Nagavci është nënkryetare e Kuvendit të Kosovës dhe anëtare e Kryesisë së partisë Vetëvendosje. Ajo është Kryetare e Delegacionit të Kosovës në Asamblenë Parlamentare të Këshillit Evropian. Znj. Nagavci përfundoi studimet bachelor në Fakultetin e Drejtësisë dhe në Gjuhë dhe Letërsi Shqipe në Universitetin e Prishtinës. Po ashtu, Nagavci ka përfunduar studimet master në të Drejtën Ndërkombëtare në Universitetin e Prishtinës. Gjatë mandatit të saj si deputete, Nagavci ishte anëtare e Komisionit për Arsim dhe Komisionit për Buxhet dhe Financa.

Ariana Musliu-Shoshi u zgjodh si anëtare e Kuvendit të Kosovës për herë të parë dhe përfaqëson Partinë Demokratike të Kosovës - PDK. Ajo përfundoi shkollën fillore dhe të mesme në Prishtinë dhe më pas u transferua në Pensilvani, Shtetet e Bashkuara si studente në shkëmbim në Shkollën e Mesme Conrad Weiser. Pas kthimit në Kosovë, ajo ndoqi studimet në Universitetin e Prishtinës, duke fituar diplomë bachelor në Shkenca Politike. Në të njëjtën kohë ajo mori një diplomë tjetër bachelor në Politika Publike dhe Menaxhim në Universitetin Amerikan në Kosovë (RIT, SHBA). Karriera e saj filloi me punë praktike në zyrën e Sekretarit të Përhershëm në Qeverinë e Kosovës në vitin 2006. Në vitin 2007, ajo filloi të punojë në Kuvendin e Kosovës si Zyrtare e Lartë për Marrëdhëniet Ndërkombëtare. Ajo fitoi diplomën master në Administratën Publike në Universitetin Amerikan në Kosovë (RIT, SHBA) dhe një diplomë tjetër master në Marrëdhëniet Ndërkombëtare dhe Diplomacinë në Universitetin e Oksfordit, MB. Musliu-Shoshi, përfaqëson Kuvendin e e Kosovës si koordinatore kombëtare në Asamblenë Parlamentare të Këshillit të Evropës, Asamblenë Parlamentare të NATO-s, Parlamentin Evropian, Unioni Evropian - Kosovo Komiteti Parlamentar i Stabilizim Asociimit (PSA), Asambleja Parlamentare e Frankofonisë dhe Parlamentare Asambleja e Procesit të Bashkëpunimit të Evropës Jug-Lindore.

Atifete Jahjaga ka shërbyer si presidentja e katërt dhe është presidentja e parë grua e Republikës së Kosovës, e zgjedhur nga Parlamenti i Kosovës . Znj. Jahjaga është kandidatja e parë jo partiake e Kosovës, guraja e parë në krye të shtetit në historinë moderne të Ballkanit, dhe udhëheqësja më e re grua botërore që u zgjodh në zyrën më të lartë. Jahjaga vazhdimisht merr pjesë në konferenca dhe iniciativa kombëtare dhe ndërkombëtare që synojnë fuqizimin e grave dhe mbështetjen e të mbijetuarve të dhunës seksuale gjatë luftës. Ajo vazhdon të jetë e vendosur në luftën e saj kundër ekstremizmit të dhunshëm dhe radikalizimit dhe promovuese e palëkundur e paqes dhe stabilitetit për Ballkanin dhe më gjerë. Gjatë mandatit të saj si presidente, Jahjaga punoi me përkushtim për t'i sjellë gratë në krye/vemendje të jetës politike, ekonomike dhe shoqërore të Kosovës si një mjet për të siguruar demokraci afatgjatë. Në këtë kontekst, në 2012, ajo organizoi Samitin Ndërkombëtar të Grave "Partneriteti për Ndryshim - Fuqizimi i Grave", i cili morri pjesë nga 200 lider nga Kosova, Evropa e gjerë, Amerika e Veriut, Afrika dhe Lindja e Mesme. Samiti siguroi një vend ku gratë nga rajoni të kalonin pengesat etnike dhe të bashkoheshin për të nisur dhe promovuar një platformë për fuqizimin e tyre si gra në të gjithë Ballkanin. Diskutimet çuan në krijimin e Parimeve të Prishtinës të cilat konfirmojnë të drejtat e grave për pjesëmarrje politike dhe përfaqësim, burime ekonomike dhe qasje në siguri dhe drejtësi, dhe bën thirrje për veprime që këto parime të implementohen në realitet. Këto parime u miratuan në Kuvendin e Kosovës si rezolutë. Jahjaga është anëtare e Këshillit të Grave Lidere Botërore që nga viti 2012 dhe është përfituese e nderimeve dhe çmimeve të shumta, duke përfshirë Doctor Honoris Causa nga Universiteti i Durham (2013), Çmimin e Lidershipit në Shërbimin Publik nga Iniciativa Globale Clinton (2014) , dhe gradën e nderit të Doktorit të Drejtësisë nga Universiteti i Leicester (2015). Në Mars të vitit 2018, Presidentja Jahjaga themeloi Fondacionin Jahjaga - një iniciativë që përqendrohet në fuqizimin e të rinjve dhe grave drejt arritjes së ndryshimeve shoqërore në Kosovë.

Avdullah Hoti është Kryeministër i Kosovës që nga 3 qershori i vitit 2020. Ai ka shërbyer si Ministër i Financave i Kosovës gjatë viteve 2014 dhe 2017 në qeverinë e koalicionit PDK / LDK. Z. Hoti ka qenë i angazhuar si Zëvendës Kryeministër i Parë, Ministër i Financave si dhe Shef i Grupit Parlamentar të Lidhjes Demokratike të Kosovës (LDK) në legjislaturën e gjashtë të Kuvendit të Republikës së Kosovës. Z. Hoti ka një rol aktiv në negociatat e ndërmjetësuara nga Bashkimi Evropian midis qeverive të Serbisë dhe Kosovës. Ai u bë pjesë e partisë politike LDK-së në vitin 2006. Hoti u zgjodh si nënkryetar i Prishtinës në zgjedhjet komunale të vitit 2008. Ai mbajti atë pozitë deri në zgjedhjet e ardhshme komunale në 2013. Më pas, ai ishte kandidat për Kryeministër të Kosovës në zgjedhjet parlamentare të vitit 2017 në Kosovë. Ai u bë shefi i grupit parlamentar të LDK-së nga viti 2017 deri në 2020, kur mori detyrën si Zëvendës Kryeministrit i Parë. Gjatë viteve 2006-2007 ai shërbeu si Këshilltar i Lartë i Ministrit të Arsimit, Shkencës dhe Teknologjisë. Gjatë viteve 2008-2009 ai ka punuar si këshilltar i Kryetarit të Komunës së Prishtinës për ekonomi, dhe më pas si Nënkryetar i Komunës së Prishtinës gjatë viteve 2010-2013. Që nga viti 2006, ai është anëtar i Këshillit të Përgjithshëm të LDK-së, dhe që nga viti 2010 anëtar i Kryesisë së LDK-së. Që nga viti 2011 ai ka menaxhuar Këshillin e Ekspertëve të LDK-së. Ai përfundoi studimet Bachelor në Universitetin e Prishtinës dhe vazhdoi me studimet Master dhe PhD në Universitetin Staffordshire të Mbretërisë së Bashkuar. Në vitin 1998, z.Hoti filloi karrierën e tij të mësimdhënies si asistent në Universitetin e Prishtinës, Departamenti Eknomik, dhe që nga viti 2017 ai është Profesor i rregullt.

Bashkim Ramosaj është kryetar i komunës së Decanit, ai shërbeu si kryetar i komunës për dy mandate. Ramosaj është aktivist politik, anëtar i AAK-së dhe themelues i degës së AAK-së në Carrabreg. Më vonë, ai ishte sekretar organizativ i degëve të AAK-së në Decan, shef i grupit parlamentar të asamblesë komunale të AAK-së, ai shërbeu si Sekretar i Përgjithshëm i degës së AAK-së në Decan. Ai është themelues i Shërbimit Zjarrfikës dhe komandant i shërbimit. Ka shërbyer si Drejtor i Departamentit të Administratës në komunën e Deçanit. Anëtar i Kolegjiumit të Vlerësimit të Administratës gjatë 2010-2017. Përpiluesi i 40 Rregulloreve Komunale në Komunën e Deçanit.

Blerinë Ukshini u bashkua me Institutin e Demokracisë për Zhvillim (D4D) në vitin 2017, duke punuar në programet e "Zgjedhjeve dhe Partive Politike" dhe "Qeverisja dhe Interesi Publik". Blerina ka përfunduar studimet Bachelor në Shkenca Politike në Universitetin e Prishtinës dhe aktualisht është duke përfunduar studimet Master, drejtimi i Integrimit Evropian dhe Administratës Publike. Ajo ishte pjesë e trajnimeve dhe programeve të ndryshme, përfshirë Akademinë Dialog të organizuar nga misionet e OSBE-së në Kosovë dhe Serbi. Në vitin 2016 ajo ishte në Slloveni si pjesë e programit EVS, ku ajo doli vullnetare për të ndihmuar personat me aftësi të kufizuara për 6 muaj. Para kësaj periudhe, ajo mori pjesë në programet "Java e Gruas" dhe "Akademia për Lidership" të organizuara nga NDI përkatësisht USAID, brenda së cilës ajo ishte pjesë e dy iniciativave, EKOSOVA dhe Growing Healthy.Ajo është e përkushtuar për kauzat që synojnë fuqizimin e grave dhe vajzave në politikë.

Christina Davis është Drejtore e Zyrës për Demokraci dhe Qeverisje në Agjencinë Amerikane për Zhvillim Ndërkombëtar (USAID). Ajo përfundoi studimet bachelor në Smith College në Massachusetts. Ajo ka përfunduar studimet master në ekonomi në Western Illinois University. Para se t’i bashkohej USAID-it, Christina ka punuar si teknologe e veterinarisë, menaxhere e programeve për studim jashtë vendit, agjente e bujqësisë dhe mësimdhënëse. Përveç kësaj, ajo ka punuar si menaxhere e komunitetit dhe zhvillimit ekonomik, ku ka realizuar programe strategjike për vizionin e qyteteve të vogla në Ilinois. Ajo gjithashtu punoi në fushën e planifikimit urban dhe në draftimin e planeve gjithëpërfshirëse për përdorim të tokës. Ajo shërbeu si vullnetare e Peace Corps në Zambia. Ju bashkua USAID-it në 2008 dhe ka shërbyer në Xhamajka, Afganistan dhe Kolumbi para se të vinte në Kosovë. Aktualisht është Drejtore e Zyrës për Demokraci dhe Qeverisje.